ఫ్లెక్సీ ప‌క్కన ప్లెక్సీ పెడితే... ప‌వ‌న్ కళ్యాణ్‌పై కొడాలి మాస్ కామెంట్స్‌!

జ‌న‌సేన అధినేత ప‌వ‌న్ క‌ళ్యాణ్‌పై వైసీపీ నాయ‌కుడు, ఫైర్ బ్రాండ్ కొడాలి నాని మాస్ కామెంట్స్ చేశారు. వ‌చ్చే ఎన్నికల్లో యుద్ధం చేస్తామ‌ని చెబుతున్న ప‌వ‌న్ క‌ళ్యాణ్‌.,. ముందు మీలో మీరు యుద్ధం ఎక్క‌డ చేసుకుంటారో.. ఎలా చేసుకుంటున్నారో.. తేల్చుకోవాల‌ని వ్యాఖ్యానించారు. ''పవన్ కళ్యాణ్ ఎక్కడ యుద్ధం చేస్తాడు? చంద్రబాబు ఎక్కడ యుద్ధం చేస్తాడు? బిజెపి ఎక్కడ యుద్ధం చేస్తుంది? అందరూ కలిసి యుద్ధం చేస్తారా? అయితే.. ఎవరు ఎవరితో యుద్ధం చేస్తారు?'' అని కొడాలి వ్యాఖ్యానించారు.

ఎవరు ఎక్కడ యుద్ధానికి రెడీనో.. కనీసం వాళ్లకైనా క్లారిటీ ఉందా అని ప్ర‌శ్నించారు. పవన్ ఎక్కడ యు ద్ధం చేయబోతున్నాడని అన్నారు. ఎన్ని చోట్ల యుద్ధం చేయబోతున్నాడని వ్యాఖ్యానించారు. అదేవిధం గా చంద్ర‌బాబు , ఆయ‌న త‌న‌యుడు ఎక్కడ యుద్ధం చేయబోతున్నార‌ని ప్ర‌శ్నించారు. బిజెపి వీళ్లతో కలిసే యుద్ధం చేయబోతుందో.. లేక ఆ పార్టీ విడిగా చేస్తుందా ? అని నాని వ్యాఖ్యానించారు. టీడీపీ, జనసే నలో టిక్కెట్లు ఆశించేవారికైనా తెలుసా? అని అన్నారు.

ఎక్కడ.. ఎన్ని సీట్లలో పోటీ చేస్తారో ముందు క్లారిటీ తెచ్చుకోవాల‌ని అన్నారు. ఆ తర్వాత యుద్ధం.. సై.. అనండి అని వ్యాఖ్యానించారు. ''జగన్ మోహన్ రెడ్డి సిద్ధం పేరుతో దూసుకెళ్తున్నాడు. మీరేమో యుద్ధం పేరుతో మా ఫ్లెక్సీల పక్కన ఫ్లెక్సీలు పెడుతున్నారు. ఫ్లెక్సీల పక్కన ఫ్లెక్సీలు పెడితే అది యుద్ధం అవ్వదు. కామెడీ పోస్ట్ అవుతుంది. ముందు ఈ విష‌యాన్ని జ‌న‌సేన నాయ‌కులు తెలుసుకోవాల‌ని అన్నారు. ప్ర‌తి ఒక్క‌రూ రాజ‌కీయాలు చేయొచ్చ‌ని.. కానీ, ఎవ‌రి రాజ‌కీయాలు ఏంటో ప్ర‌జ‌లు గ‌మ‌నిస్తున్నార‌ని అన్నారు.