‘కాంట్రాక్టులు ఇప్పిస్తానని వాడుకున్నారు’... వైసీపీ నేతపై అత్యాచారం కేసు!

గత కొన్ని రోజులుగా వీడియో కాల్స్ లో న్యూడ్ గా కనిపిస్తున్న నాయకులు, అత్యాచార ఆరోపణలు ఎదుర్కొంటున్న ప్రజాసేవకుల వ్యవహారాలు వరుసగా వెలుగులోకి వస్తూనే ఉన్నాయి. ఈ విషయంలో ఆ పార్టీ, ఈ పార్టీ అనే తారతమ్యాలేవీ లేవు! అన్ని పార్టీల్లోనూ ఈ టైపు జనాలు ఉన్నారు. ఈ సమయంలో వైసీపీ నేత, మాజీ మంత్రిపై ఓ మహిళ ఫిర్యాదు చేశారు.

అవును... ఏపీలో పలువురు రాజకీయ నాయకుల (రాసలీలల) వ్యవహారాలు ఇటీవల కాలంలో వరుసగా వెలుగులోకి వస్తోన్న సంగతి తెలిసిందే. మహిళా నాయకులు, కార్యకర్తలతో న్యూడ్ కాల్స్ మాట్లాడే నాయకులు ఒకరైతే.. రకరకాల ఆశలు చూపించి సొంతపార్టీ మహిళా నేతలపై అఘాయిత్యాలకు పాల్పడేవారు మరొకరు.

ఈ నేపథ్యంలో... కాంట్రాక్టు పనులు లేదా ఉద్యోగం ఇప్పిస్తానని చెప్పి తన వద్ద డబ్బు తీసుకొని, తిరిగి ఇవ్వకపోవడంతోపాటు శారీరకంగా కూడా వాడుకున్నారని ఆరోపిస్తూ మాజీ మంత్రి, వైసీపీ నేత మేరుగ నాగార్జునపై విజయవాడకు చెందిన ఓ మహిళ తాడేపల్లి పోలీసులకు ఫిర్యాదు చేశారు. దీంతో.. నాగార్జునపై అత్యాచారం, మోసం కేసులు నమోదు చేశారు.

ఇదే సమయంలో... మాజీ మంత్రి నాగార్జునకు సహకరించి, బాధితురాలిని బెదిరించారనే ఫిర్యాదు మేరకు ఆయన పీఏపైనా కేసు నమోదు చేసినట్లు చెబుతున్నారు. ఈ సందర్భంగా స్పందించిన బాధితురాలు... తనకు ఐదేళ్లుగా నాగార్జునతో పరిచయం ఉందని.. ఉద్యోగం లేదా కాంట్రాక్టులు ఇప్పిస్తానని చెప్పి తన వద్ద రూ.90 లక్షలు తీసుకున్నారని తెలిపారు.

ఈ క్రమంలో.. సార్ మీతో మాట్లాడతాను అన్నారని చెప్పి, ఆయన పీఏ తనను మంత్రి ఉండే అపార్ట్ మెంట్ కు తీసుకెళ్లేవాడని అన్నారు. వెళ్లిన వెంటనే బయట తాళాలు వేసి వెళ్లిపోయేవాడని అన్నారు. ఈ క్రమంలో తనకు ఎలాంటి కాంట్రక్టులు ఇప్పించకపోగా.. తనను బలవంతంగా నాలుగుసార్లు శారీరకంగా అనుభవించారని ఆమె ఆరోపించారు.

అయితే... ఈ ఆరోపణలను మాజీ మంత్రి నాగార్జున ఖండించారు. తనపై ఆరోపణలు చేసిన మహిళతో తనకు ఎలాంటి సంబంధం లేదని.. తన ప్రమేయం ఉన్నట్లు తేలితే ఎలాంటి పరీస్ఖలకైనా సిద్ధమని.. ఉరిశిక్షకైనా సిద్ధమేనని అన్నారు. ఆ మహిళ చెప్పిన రూ.90 లక్షలు, లోభారుచుకోవడానికి ప్రయత్నించాననడం అన్నీ అవాస్తవాలని.. ఇదంతా కుట్ర ప్రకారం జరుగుతుందని చెప్పారు!