స్టార్ ప్లేయర్ వాడిన టిష్యూ $1 మిలియన్... ఏమిటి స్పెషల్?

క్రీడాకారులకు, వారి అభిమానులకూ మధ్య ఉండే ఎమోషనల్ కనెక్షన్ సంగతి ప్రత్యేకంగా చెప్పనక్కరలేదు. వారి పొస్టర్లు ఇంట్లో అతికించుకోవడం, బైక్ లపై స్టిక్కరింగ్ చేయించుకోవడం నుంచి వారు వాడిన వస్తువులను వేలంలో కోట్ల రూపాయలు వెచ్చించి దక్కించుకోవడం తెలిసిందే. ఈ సమయంలో ఓ స్టార్ ప్లేయర్ వాడిన టిష్యూను రూ.8.4 కోట్లకు వేలంలో దర్శనమిచ్చింది.

అవును... అర్జెంటీనా ఫుట్ బాల్ స్టార్ ప్లేయర్ లియోనెల్ మెస్సీ బార్సిలోనాకు వీడ్కోలు పలికిన సంగతి తెలిసిందే. దీంతో.. ఫుట్ బాల్ ప్రపంచం ఒక్కసారిగా దిగ్భ్రాంతికి గురయ్యింది! ఈ సమయంలో మెస్సీ మీడియా ముందుకు వచ్చారు. ఈ సందర్భంగా తన కన్నీళ్లను ఆపుకోడానికి కష్టపడ్డాడు. ఇది జరిగి చాలా కాలం అయిపోయింది.

ఈ సమయంలో ఓ ఆసక్తికర విషయం తెరపైకి వచ్చింది. ఇందులో భాగంగా ఆ విలేకరుల సమావేశంలో మెస్సీ తన కన్నీళ్లను తుడుచుకోవడానికి ఉపయోగించిన టిష్యూ ఇప్పుడు ఓ వెబ్ సైట్లో వేలం వేయబడుతుండగా.. దీని ధర 1 మిలియన్ డాలర్లుగా పెర్కొన్నారు. మెస్సీ ఈ టిష్యూను బిన్ లోకి విసిరిన తర్వాత ఓ అజ్ఞాత వ్యక్తి దీన్ని సెకరించినట్లు గల్ఫ్ టుడే నివేదించింది.

ఆగస్టు 8 - 2021న మెస్సీ తన ప్రెస్ కాన్ ఫరెన్స్ లో ప్రసంగించారు. 21 ఏళ్ల కెరీర్ తర్వాత స్పానిష్ ఫుట్ బాల్ క్లబ్ కు భావోద్వేగ వీడ్కోలు పలుకుతున్నట్లు ప్రకటించారు. ఈ సమయంలో అతడు కన్నీళ్లు తుడుచుకోవడానికి అతని భార్య ఆంటోనెలా రోకుజో ఓ టిష్యూను అందించింది. ఇప్పుడు దాన్ని వేలంలో $మిలియన్ కొనుగోలు చేసినట్లు చెబుతున్నారు!