ఎన్డీయే విజ‌యోత్స‌వ సంబ‌రాలు!

ఆంధ్ర‌ప్ర‌దేశ్‌లో వైసీపీ ప్ర‌భుత్వాన్ని కుప్ప‌కూల్చి విజ‌య‌దుందుభి మోగించిన‌.. ఎన్డీయే కూట‌మి నూత‌న ప్ర‌భుత్వాన్ని ఏర్పాటు చేసిన విష‌యం తెలిసిందే. మే 13న జ‌రిగిన ఎన్నిక‌ల్లో నువ్వా-నేనా అన్న‌ట్టుగా సాగిన రాజ‌కీయ స‌మ‌రంలో నేష‌న‌ల్ డెమొక్ర‌టిక్ అల‌యెన్స్‌(ఎన్డీయే) కూట‌మి ప‌క్షాలు.. టీడీపీ-జ‌న‌సేన‌-బీజేపీలు వీర విహారం చేశాయి. క‌నీ వినీ ఎరుగ‌ని రీతిలో తెలుగు ప్ర‌జ‌ల మ‌న‌సులు దోచుకుని ఓట్లు, సీట్లు దూసుకున్నాయి. ఈ నెల 12న ముఖ్య‌మంత్రిగా టీడీపీ అధినేత చంద్ర‌బాబు నాయుడు, ఉప ముఖ్య‌మం త్రిగా జ‌న‌సేన అధినేత ప‌వ‌న్ క‌ల్యాణ్‌లు ప్ర‌మాణ స్వీకారం చేశారు. దీంతో న‌వ్యాంధ్ర‌లో మ‌రోసారి ఎన్డీయే కూట‌మి స‌ర్కారు కొలువుదీరింది.

ఎన్డీయే కూట‌మి విజ‌యంలో ప్ర‌త్య‌క్షంగా, ప‌రోక్షంగా భాగ‌స్వాములైన ఎన్నారై టీడీపీ, ఎన్నారై జ‌న‌సేన‌, ఎన్నారై బీజేపీ నాయ‌కుల కృషి ఫ‌లించి.. ప్ర‌జా ప్ర‌భుత్వ ఏర్పాటు స్వ‌ప్నం సాకారమైంది. ఈనేప‌థ్యాన్ని పుర‌స్క‌రించుకుని అమెరికాలోని బే ఏరియాలో ఎన్డీయే కూట‌మి విజ‌యోత్స‌వ సంబ‌రాల‌ను నిర్వ‌హించుకునేందుకు కార్య‌రంగం సిద్ధ‌మైంది. ఆదివారం(జూన్ 16) సాయంత్రం 4 గంట‌ల నుంచి 8 గంట‌ల‌కు ఈ విజ‌యోత్స వేడుక‌ల‌ను నిర్వ‌హించేందుకు నిర్వాహ‌కులు స‌ర్వం సిద్ధం చేశారు. ఎన్నారై టీడీపీ, ఎన్నారై జ‌న‌సే, ఎన్నారై బీజేపీ అగ్ర‌నాయ‌కులు ఈ కార్య‌క్ర‌మంలో పాల్గొన‌నున్నారు.

విభ‌జిత ఆంధ్ర‌ప్ర‌దేశ్ చ‌రిత్రంలో సువ‌ర్ణాక్ష‌రాల‌తో లిఖించ‌ద‌గిన ఈ మ‌హోన్న‌త విజ‌యాన్ని మ‌రింత మ‌హోన్న‌తంగా నిర్వ‌హించుకునే త‌రుణం ఆస‌న్న‌మైంది. ఈ నేపథ్యంలో ఎన్నారై టీడీపీ, ఎన్నారై జ‌న‌సే, ఎన్నారై బీజేపీ అగ్ర‌నాయ‌కుల ఆధ్వ‌ర్యంలో నిర్వ‌హిస్తున్న విజ‌యోత్స‌వ సంబ‌రాల్లో ప్ర‌తి ఒక్క‌రూ త‌మ త‌మ కుటుంబాల‌తో క‌లిసి హాజ‌రు కావాల‌ని.. కార్య‌క్ర‌మ నిర్వాహ‌కులు సాద‌రంగా ఆహ్వానం ప‌లుకుతున్నారు. లేక్ ఎలిజ‌బెత్ సెంట్ర‌ల్‌పార్క్ ఏరియాలో నిర్వ‌హించే ఈ ఉత్స‌వాల‌కు ప్ర‌తి ఒక్క‌రూ త‌ర‌లి రావాల‌ని.. మ‌నస్ఫూర్తిగా కోరుకుంటున్నారు. ఇంకెందుకు ఆల‌స్యం.. విజ‌యోత్స‌వంలో పాల్గేనేందుకు బ‌య‌లు దేరండి!!