కాబోయే కోడలికి నీతా అంబానీ బహుమతి ఏమిటో తెలుసా?

అపర కుబేరుడు ముఖేష్ అంబానీ, నీతా అంబానీల కుమారుడు అనంత్ అంబానీ - రాధిక మర్చంట్ ల ప్రీ వెడ్డింగ్ కార్యక్రమం ఇటీవల అత్యంత ఘనంగా జరిగిన సంగతి తెలిసిందే. ఈ కార్యక్రమానికి ప్రపంచ వ్యాప్తంగా ప్రముఖులు హాజరయ్యారు. ఇక ఈ వేడుకలో అతిధులకు అందించిన విందు ప్రత్యేక ఆకర్షణగా నిలిచింది. ఈ క్రమంలో వివాహం కోసం అంబానీ ఫ్యామిలీ రెడీ అవుతుంది.

అనంత్ అంబానీ - రాధిక మర్చంట్ ల వివాహం కోసం అంబానీ ఫ్యామిలీ రెడీ అవుతున్న సంగతి తెలిసిందే. ఈ కార్యక్రమం కోసం ఒక లగ్జరీ క్రూయిజ్ లో చాలా గ్రాండ్ గా పార్టీ చేయడానికి సిద్ధమైంది. ఇదే సమయంలో మరొక ఆసక్తికర విషయం తాజాగా తెరపైకి వచ్చింది. అదేమిటంటే.. నీతా అంబానీ కాబోయే చిన్న కోడలు రాధిక మర్చంట్ కు ఊహించని అద్భుతమైన ఒక బహుమతిని ఇవ్వబోతున్నారని తెలుస్తోంది.

అవును... కాబోయే చిన్న కోడలు రాధిక మర్చంట్ కు ముఖేష్ అంబానీ సతీమణి నీతా అంబానీ అద్భుతమైన బహుమతిని సిద్ధం చేశారని అంటున్నారు. ఇందులో భాగంగా... దుబాయ్ లో రూ. 640 కోట్ల ఖరీదైన విల్లాను త్వరలో తమ ఇంటికి రానున్న కొత్త కోడలికి గిఫ్ట్ గా అందించనున్నారు. దీంతో.. ఆ విల్లా ప్రత్యేకతలపై నెట్టింట తీవ్ర చర్చ నడుస్తుంది.

ఇందులో భాగంగా... ఈ విల్లాలో పది విలాసవంతమైన బెడ్ రూమ్ లు, అద్భుతమైన ఇంటీరియర్స్, ఇటాలియన్ పాల రాయి, అద్భుతమైన కళాకృతులు ఉన్నాయంట. ఇదే సమయంలో ఇందులో ప్రైవేటు బీచ్ స్పెషల్ ఎట్రాక్షన్ గా ఉండబోతుందని వార్తలు వస్తున్నాయి.

కాగా... ఇప్పటికే అనంత్ అంబానీ, రాధిక మర్చంట్ ల నిశ్చితార్థం సందర్భంగా తన కుమారుడు అనంత్ అంబానీకి 4.5 కోట్ల విలువచేసే బెంట్లీ కాంటినెంటల్ జిటిసి స్పీడ్ కారును ముఖేష్ అంబానీ గిఫ్ట్ గా ఇచ్చిన సంగతి తెలిసిందే!