జూనియర్ 'చొక్కా' మీద ఇంత కథ పుట్టించారా ?!

తెలంగాణలో లోక్ సభ, ఆంధ్రప్రదేశ్ లో శాసనసభ, మరియు లోక్ సభ స్థానాలకు కీలక ఎన్నికలు జరుగుతున్నాయి. ఈ రోజు జరిగిన పోలింగ్ లో రెండు రాష్ట్రాలలో పలువురు రాజకీయ, సినీ, వ్యాపార ప్రముఖులు తమ తమ ఓటు హక్కును వినియోగించుకున్నారు. హైదరాబాద్ లోని జూబ్లీహిల్స్ పోలింగ్ స్టేషన్ లో తన కుటుంబ సభ్యులతో కలిసి వచ్చి జూనియర్ తన ఓటు హక్కును వినియోగించుకున్నాడు.

అయితే ఈ సంధర్భంగా జూనియర్ ఎన్టీఆర్ పోలింగ్ స్టేషన్ కు నీలిరంగు చొక్కాను ధరించి వచ్చాడు. దీనిని అదనుగా తీసుకుని వైఎస్ఆర్ కాంగ్రెస్ పార్టీ సోషల్ మీడియా జూనియర్ ఎన్టీఆర్ ఏపీలో ఈ సారి తన అభిమానులు, ప్రజలు వైసీపీకి ఓటు వేయాలని పరోక్షంగా మద్దతు తెలిపాడు అంటూ ప్రచారం మొదలుపెట్టింది. అనేక సోషల్ మీడియా విభాగాలలో ఇది ప్రచారం కావడం జరుగుతున్నది.

వాస్తవంగా జూనియర్ ఎన్టీఆర్ తెలంగాణలోని సికింద్రాబాద్ లోక్ సభ స్థానం పరిధిలో ఓటు హక్కును వినియోగించుకుంటున్నాడు. దీనికి అసలు ఆంధ్రా రాజకీయాలకు సంబంధం లేదు. పైగా గత కొన్నేళ్లుగా జూనియర్ రాజకీయాలకు దూరంగా మసలుకుంటున్నాడు. ఈ నేపథ్యంలో అతను ఈ రోజు వేసుకున్న చొక్కా మీద ఇలాంటి ప్రచారం నిర్వహించడం గమనార్హం.