ట్రంప్ కుమార్తెను అంటున్న పాక్ యువతి... వీడియో వైరల్!

అత్యంత ఆసక్తికరంగా జరిగిన అమెరికా అధ్యక్ష ఎన్నికల్లో డొనాల్డ్ ట్రంప్ విజయం సాధించిన సంగతి తెలిసిందే. ఈ క్రమంలో... డొనాల్డ్ ట్రంప్ తన తండ్రి అని.. మెలానియా తనతో సరిగా ప్రవర్తించడంలేదనే కారణంతో తన తల్లి పాకిస్థాన్ కు తనను పంపించిందంటూ ఓ యువతి మైకుల ముందుకు వచ్చిన వీడియో నెట్టింట హల్ చల్ చేస్తోంది.

అవును... ఓ పాకిస్థానీ అమ్మాయి తాను డొనాల్డ్ ట్రంప్ కుమార్తెను అని.. తాను ముస్లిం, పంజాబీ అని.. అయితే తన తండ్రి మాత్రం డొనాల్డ్ ట్రంప్ అని ఉర్ధూ, హిందీ భాషల్లో పెర్కొంది! ట్రంప్ భార్య మెలానియా తనతో సరిగా ప్రవర్తించలేదనే.. తనను తన తల్లి పాకిస్థాన్ కు పంపించేసిందని చెప్పుకొచ్చింది.

దీనికి సంబంధించిన వీడియో ఇప్పుడు నెట్టింట వైరల్ గా మారింది. ఈ వీడియోకు వేల సంఖ్యలో వ్యూస్ వస్తున్నాయి. కొత్త అధ్యక్షుడికి కొత్త కూతురు అంటూ నెటిజన్లు స్పందిస్తున్నారు. అయితే... ఈ వీడియో కొత్తది కాదని.. ఇది చాలా పాత వీడియో అని తెలుస్తోంది.

వాస్తవానికి ప్రస్తుతం వైరల్ అవుతోన్న వీడియో 2018లోనిదని తెలుస్తోంది. ఈ మేరకు పాకిస్థాన్ డిజిటల్ మీడియా ఫ్లాట్ ఫారం సియాసత్ పోస్ట్ చేసింది. అమెరికా అధ్యక్షుడిగా ట్రంప్ బాధ్యతలు చేపట్టిన తర్వాత ఈ వీడియో నెట్టింట సంచలనం సృష్టించించి. అయితే ఇప్పుడు మరోసారి ఈ వీడియో తెరపైకి వచ్చింది. మరోసారి వైరల్ గా మారింది.