బిగ్ బ్రేకింగ్... రఘురామకు టిక్కెట్ కన్ ఫాం చేసిన బాబు!

రానున్న సార్వత్రిక ఎన్నికల్లో పోటీచేసేందుకు కూటమి నుంచి రఘురామ కృష్ణంరాజుకి టిక్కెట్ వచ్చేసింది! శుక్రవారం రాత్రి పాలకొల్లులో జరిగిన ప్రజాగళం సభలో చంద్రబాబు సమక్షంలో రఘురామ టీడీపీ కండువా కప్పుకున్న సంగతి తెలిసిందే. ఈ నేపథ్యంలో రఘురామకు ఎమ్మెల్యే టిక్కెట్ దక్కింది! దీంతో రానున్న ఎన్నికల్లో ఆయన ఉమ్మడి పశ్చిమగోదావరి జిల్లాలోని, నరసాపురం లోక్ సభ నియోజకవర్గ పరిధిలోని, ఉండి అసెంబ్లీ నియోజకవర్గం నుంచి పోటీ చేయబోతున్నారు.

అవును... రఘురామ కృష్ణంరాజు నమ్మకం వమ్ము కాలేదు! ఏదో ఒక టిక్కెట్ అయితే దక్కింది! మొదట్లో నరసాపురం లోక్ సభ టిక్కెట్ తనకే దక్కుతుందని.. పార్టీ ఏదైనప్పటికీ తానే కూటమి అభ్యర్థి అని రఘురామ కృష్ణంరాజు వ్యాఖ్యానించిన సంగతి తెలిసిందే! అయితే ఆ స్థానం రఘురామకు దక్కలేదు! ఈ సమయంలో... నరసాపురం ఎంపీ టిక్కెట్ అవకాశమే లేదని క్లారిటీ ఇచ్చారని కథనాలొచ్చాయి. దీంతో... తనను ప్రజలు స్పీకర్ గా చూడాలని కోరుకుంటున్నారన్నట్లుగా ఆయన అసెంబ్లీకి వెళ్తున్నట్లు హింట్ ఇచ్చారు!

ఈ సమయంలో రఘురామ కృష్ణంరాజుకి చంద్రబాబు టిక్కెట్ కన్ ఫాం చేశారు. ఇందులో భాగంగా... ఉండి అసెంబ్లీ నియోజకవర్గం నుంచి ట్రిపుల్ ఆర్ పోటీ చేస్తారని ప్రకటించారు. దీంతో రఘురామ కృష్ణంరాజు అనుచరులు, అభిమానులు ఫుల్ సందడి చేస్తున్నారు. మరోపక్క ఇప్పటికే టిక్కెట్ దక్కడంతో ఫుల్ జోష్ లో ప్రచారం చేసుకుంటున్న రామరాజు అనుచరులు హర్ట్ అయ్యారని తెలుస్తోంది! మరోపక్క టీడీపీ మాజీ ఎమ్మెల్యే శివరామ రాజు రెబల్ గా పోటీ చేస్తున్నట్లు కథనాలొచ్చిన సంగతి తెల్లిసిందే!!

ఈ స్థాయిలో ఉండి టీడీపీలో రామరాజు - శివరామ రాజు టిక్కెట్ ఆశించగా... టిక్కెట్ తొలుత రామరాజుకి దక్కిందిఒ. దీంతో... శివరామరాజు రెబల్ గా బరిలోకి దిగుతున్నట్లు తెలిసింది! ఈ సమయంలో రామరాజు టిక్కెట్ కాస్తా రఘురామకృష్ణంరాజుకి వెళ్లిపోయింది. దీంతో... ఉండి టీడీపీలో తాజా పరిస్థితి చాలా ఆందోళనగా ఉందని అంటున్నారు. ఈ క్రమంలో ఇప్పటికే రామరాజు అనుచరులు ఆందోళనకు దిగారని తెలుస్తుంది!