వీడియో వైరల్... పోస్టర్ పట్టుకున్న రాహుల్.. తలపట్టుకున్న నిర్మలమ్మ!
రాహుల్ గాంధీ.. తాజాగా ఈ రోజు లోక్ సభలో ఆర్థిక మంత్రి నిర్మలా సీతారామన్ పై విమర్శలు గుప్పించారు!
By: Tupaki Desk | 29 July 2024 11:42 AM GMT
గత కొంతకాలంగా కాంగ్రెస్ పార్టీ అగ్రనేత రాహుల్ గాంధీ ఫుల్ దూకుడుమీద కనిపిస్తున్న సంగతి తెలిసిందే. గతంలో మొద్దబ్బాయిగా విమర్శలు ఎదుర్కొన్న రాహుల్.. పార్లమెంట్ లో అధికారపక్షాన్ని అల్లల్లాడిస్తున్నారనే స్థాయికి చేరుకున్నారని అంటున్నారు. ఈ సమయంలో తాజాగా ఆర్థిక మంత్రి నిర్మలా సీతారామన్ ప్రవేశపెట్టిన బడ్జెట్ పై రాహుల్ గాంధీ మండిపడ్డారు.
అవును... గతకొంతకాలంగా ఫుల్ ఫామ్ లో ఉన్నట్లు కనిపిస్తున్న రాహుల్ గాంధీ.. తాజాగా ఈ రోజు లోక్ సభలో ఆర్థిక మంత్రి నిర్మలా సీతారామన్ పై విమర్శలు గుప్పించారు! ఇందులో భాగంగా... కేంద్రం ప్రవేశపెట్టిన బడ్జెట్ కేవలం మిత్రపక్షాలను ప్రసన్నం చేసుకొవడానికే అన్నట్లుగా ఉందని ఎద్దేవా చేశారు. అనంతరం ఈ బడ్జెట్ ను "కుర్చీ బచావో" బడ్జెట్ గా అభివర్ణించారు.
ఇదే సమయంలో ఇటీవల జరిగిన లోక్ సభ ఎన్నికల్లో కాంగ్రెస్ పార్టీ ఇచ్చిన మేనిఫెస్టో నుంచి ఈ బడ్జెట్ ను కాపీ చేశారని ఆరోపించారు. ఏఏ (అంబానీ - అదానీ)కి మాత్రమే ప్రయోజనం కలిగించేలా, సామాన్య భారతీయులకు ఉపశమనం దక్కకుండా.. దళిత, ఆదివాసీ, ఓబీసీల ప్రస్థావనే లేకుండా ఈ బడ్జెట్ ను ప్రవేశపెట్టారని మండిపడ్డారు.
ఇదే క్రమంలో... బడ్జెట్ ప్రవేశపెట్టే మందు నిర్మాలా సీతారామన్ "హల్వా" వేడుకలో పాల్గొన్నారంటూ ఓ ఫోటోను సభలో ప్రదర్శించే ప్రయత్నం చేశారు రాహుల్. అయితే... సభలో పోస్టర్స్ ప్రదర్శించడానికి అనుమతి లేదంటూ లోక్ సభ స్పీకర్ ఓం బిర్లా అభ్యంతరం వ్యక్తం చేశారు. ఈ సందర్భంగా రాహుల్ చేస్తున్న కామెంట్స్ కి నిర్మలా సీతారామన్ తలపట్టుకుని బాదుకుంటున్నట్లు కనిపించారు!
దీనికి సంబందించిన వీడియో ఇప్పుడు వైరల్ గా మారింది. దీనికి ఒక్కొక్కరూ ఒక్కో భావానువాదం చేస్తున్నారు. రాహుల్ గాంధీ అపరిపక్వత చూసి నిర్మలమ్మ తలబాదుకుంటున్నారని ఒకరంటే... రాహుల్ ఈ స్థాయిలో కడిగిపారేస్తుంటే ఏమి చెయ్యాలో తోచక, అడ్డుచెప్పలేక ఆమె అలా తలపట్టుకున్నారని ఇంకొకరు కామెంట్ చేస్తున్నారు.
ఇదే సమయంలో... మరికొంతమంది కాంగ్రెస్ పార్టీ నాయకులు.. తమ పార్టీ లోక్ సభ ఎన్నికల మేనిఫెస్టోకు ఈ బడ్జెట్ కాపీ అంటూ కామెంట్లు చేశారు. ఇందులో భాగంగా... ఎన్నికలు తర్వాత గౌరవనీయులైన ఫైనాన్స్ మినిస్టర్.. కాంగ్రెస్ పార్టీ లోక్ సభ ఎన్నికల మేనిఫెస్టోను చదివినందుకు, అందులో 30వ పేజీలో పేర్కొన్న ఉపాధి-సంబధిత ప్రోత్సహకాన్ని ఆమె స్వీకరించినందుకు సంతోషిస్తున్నట్లు చిదంబరం ఎక్స్ లో పేర్కొన్నారు.
