జగన్ ను వాళ్లే నమ్మడం లేదు... రేవంత్ సంచలన వ్యాఖ్యలు!

ఆంధ్రప్రదేశ్ రాష్ట్రంలో సార్వత్రిక ఎన్నికల ప్రచారం తుది అంకానికి చేరుకుంది. నేటి సాయంత్రంతో ఎన్నికల ప్రచార పర్వానికి తెరపడనుంది. సుమారు నెలన్నర రోజుల క్రితం నుంచి అన్ని పార్టీలూ ఎన్నికల ప్రచారాన్ని ముమ్మరం చేశాయి. ఇందులో భాగంగా... నేతల విమర్శలు, ప్రతివిమర్శల యుద్ధాలు పీక్స్ కి చేరుకున్నాయి. ఇక ఈ రోజు ప్రచారానికి చివరి రోజు కావడంతో క్లైమాక్స్ కథే వేరు అన్నట్లుగా సాగుతుంది.

ఈ సమయంలో... రెండు తెలుగు రాష్ట్రాల్లోనూ ఎన్నికలు జరుగుతుండటంతో ఇరు రాష్ట్రాల నేతల మధ్య కూడా మాటాల తూటాలు పేలుతున్నాయి. ఇందులో భాగంగా... ఏపీలో మళ్లీ జగనే గెలుస్తాడనే సమాచారం తనకు ఉందని బీఆరెస్స్ అధినేత కేసీఆర్ చెబుతుంటే... చంద్రబాబుతో తనకున్న బంధంపై రేవంత్ క్లారిటీ ఇచ్చారు. ఈ నేపథ్యంలో... "తెలంగాణ సీఎం రేవంత్ రెడ్డి.. టీడీపీ అధినేత చంద్రబాబు మనిషి" అంటూ ఏపీ సీఎం జగన్ కీలక వ్యాఖ్యలు చేశారు.

ఇదే సమయంలో... గత ఏడాది జరిగిన తెలంగాణ అసెంబ్లీ ఎన్నికల్లో.. కాంగ్రెస్‌ కు టీడీపీ సపోర్ట్ చేస్తే.. ఏపీలో చంద్రబాబును గెలిపించేందుకు కాంగ్రెస్ సపోర్ట్ చేస్తుందని హాట్ కామెంట్స్ చేశారు. ఇలా జగన్ చేసిన వ్యాఖ్యలపై తెలంగాణ ముఖ్యమంత్రి రేవంత్ రెడ్డి స్పందించారు. ఈ సందర్భంగా కీలక వ్యాఖ్యలు చేశారు. చంద్రబాబుతో ఉన్న బంధంపైనా స్పష్టత ఇచ్చారు.

అవును... తనపై ఏపీ ముఖ్యమంత్రి చేసిన వ్యాఖ్యలపై తెలంగాణ ముఖ్యమంత్రి రేవంత్ రెడ్డి స్పందించారు. ఇందులో భాగంగా... "సొంత చిన్నాన్న హత్య గురించి వాళ్లు చెబుతున్నారు. జగన్ నా మీద చేసిన ఆరోపణలకు విలువ లేదు. పక్క రాష్ట్ర సీఎం జగన్‌ కు ఓ సూచన.. ముందుగా మీ తల్లి, చెల్లి అడిగే ప్రశ్నలకు సమాధానమివ్వండి" అని అన్నారు.

ఇదే సమయంలో... తాను తెలంగాణ పీసీసీ అధ్యక్షుడిని, ముఖ్యమంత్రిని అని చెబుతూ.. తన రాష్ట్ర ప్రయోజనాలు తనకు ముఖ్యం అని రేవంత్ స్పష్టం చేశారు. ఇదే సమయంలో... చంద్రబాబుతో తనకు వ్యక్తిగత సంబంధాలే తప్ప రాజకీయ సంబంధాలు లేవని క్లారిటీ ఇచ్చారు! ఇదే సమయంలో... ఏపీలో షర్మిల నాయకత్వాన్ని బలోపేతం చేయడానికి తన సహకారం ఎప్పుడూ ఉంటుందని స్పష్టం చేశారు.