పవన్ పై రోజా షాకింగ్ కామెంట్స్

ఎన్డీఏ కు జనసేన అధినేత పవన్ కల్యాణ్ అధికారికంగా జై కొట్టిన నేపథ్యం లో తాజాగా ఆయన పై ఏపీ కి చెందిన పలువురు రాజకీయ నేతలు తీవ్ర స్థాయి లో విమర్శలు గుప్పిస్తున్నారు. పవన్ ఓ పొలిటికల్ బ్రోకర్ అని, ఆయన ఎన్డీఏ కు మద్దతివ్వాల్సింది కాదని సీపీఐ నారాయణ సంచలన వ్యాఖ్యలు చేశారు. ఇక, వైసీపీ నేతలైతే చంద్రబాబు, మోడీల మధ్య పవన్ రాయబారం నడుపుతున్నారంటూ దుయ్యబడుతున్నారు. ఈ క్రమంలోనే పవన్ పై వైసీపీ ఫైర్ బ్రాండ్ మహిళా నేత, మంత్రి రోజా షాకింగ్ కామెంట్స్ చేశారు.

పవన్ దళపతి కాదని, దళారి అని రోజా తీవ్రస్థాయి లో విమర్శలు గుప్పించారు. చంద్రబాబు కోసం ఢిల్లీలో పవన్ దళారి గా మారార ని, తన తల్లిని తిట్టించిన వ్యక్తి కోసం పవన్ ఇలా బ్రోకర్ గా మారడం సిగ్గుచేటని ధ్వజమెత్తారు. రాబోయే ఎన్నికల్లో జనసేన, టీడీపీ, బీజేపీ కలిసి పోటీ చేస్తాయని పవన్ సిగ్గులేని కామెంట్స్ చేశారని ఆగ్రహం వ్యక్తం చేశారు. పొత్తు పెట్టుకోవడానికి కొత్త పార్టీలు లేవని, అందుకే పాత టీడీపీ తోనే పవన్ పొత్తుకు వెళ్లేందుకు మొగ్గుచూపుతున్నారని అన్నారు.

గతం లో మోదీ ని చంద్రబాబు తిట్టారని, అందుకేు ఎన్డీయే సమావేశానికి ఆయనను పిలవలేద ని రోజా అన్నారు. అయితే, తన తల్లిని తిట్టించిన చంద్రబాబు కోసం పవన్ ఎన్డీయే తో కలవడం ఆశ్చర్యకరంగా ఉందని రోజా ఎద్దేవా చేశారు. ఏ పార్టీతో పొత్తు ఉండబోదంటూ ప్రగల్బాలు పలికిన పవన్, సిగ్గు లేకుండా అందరి కాళ్లు పట్టుకుంటున్నారని సెటైర్లు వేశారు. చంద్రబాబు ఊసరవెల్లి అని, ఆ విషయం బీజేపీ కి తెలిసే ఎన్డీయే సమావేశం దరిదాపుల కు రానివ్వలేదని దుయ్యబట్టారు. రాహుల్ గాంధీ ని ప్రధాని ని చేస్తానని చెప్పిన బాబు... కాంగ్రెస్ ను కూడా మోసం చేశారని ఆరోపించారు.