లండన్ లో జగన్.. మరి షర్మిల ఇప్పుడెక్కడ?

ఏపీలో జరిగిన లోక్ సభ.. అసెంబ్లీ ఎన్నికల్లో కీలకమైన పోలింగ్ ప్రక్రియ పూర్తి కావటం తెలిసిందే. మొన్నటి వరకు పోలింగ్ ను తమకు అనుకూలంగా జరిగేలా చేసుకోవటం మీద ఫోకస్ చేసిన నేతలు ఇప్పుడు గెలుపు టెన్షన్ లో ఉన్నారు. తమ ఫ్యూచర్ ఈవీఎంలలో నిక్షిప్తమైన వేళ.. లెక్కల్లో మునిగిపోయారు. తమకున్న ప్లస్ ఏమిటి? మైనస్ ఏమిటి? అన్నదిప్పుడు హాట్ టాపిక్ గా మారింది. పోలింగ్ అనంతరం పరిణామాల మీద ఫోకస్ చేసిన నేతలు వాటిల్లో బిజీగా ఉంటే.. కొందరు మాత్రం అందుకు భిన్నంగా ఏది ఏమైనా పోలింగ్ అయిపోయింది. రిజల్ట్ డే కోసం వెయిట్ చేద్దామన్నట్లుగా వ్యవహరిస్తున్నారు.

ఎన్నికల వేళ మొత్తం భారాన్ని తన మీద వేసుకున్న అధినేతలు కొందరు మాత్రం.. ఆటవిడుపుగా విదేశాలకు వెళుతున్నారు. ఇందులో భాగంగా ఏపీ ముఖ్యమంత్రి.. వైసీపీ అధినేత వైఎస్ జగన్మోహన్ రెడ్డి లండన్ కు వెళ్లటం తెలిసిందే. ఎన్నికల ఫలితాలు వెలువడే జూన్ 4కు కాస్త ముందుగా తాడేపల్లికి చేరుకునేలా టూర్ ప్లాన్ చేసుకోవటం తెలిసిందే. జగన్ క్రేజ్ ఎంతన్న విషయం లండన్ లో ఆయన ల్యాండ్ అయి.. తన బసకు వెళ్లే దారి పొడువుగా ఆయన అభిమానులు బారులు తీరటం.. జగన్.. జగన్ అంటూ నినాదాలు చేయటం కనిపించింది.

లండన్ కు వెళ్లిన జగన్ సంగతి ఇలా ఉంటే.. ఏపీపీసీసీ అధ్యక్షురాలి హోదాలో ఎన్నికల భారం మొత్తాన్ని తన భుజాల మీద మోసింది వైఎస్ షర్మిల. ఈ ఎన్నికల్లో తన సోదరుడు జగన్ మీద తీవ్రస్థాయిలో విరుచుకుపడిన ఆమె.. ఎక్కడా తగ్గని పరిస్థితి. కడప ఎంపీ స్థానానికి పోటీ చేసిన ఆమె.. ఓవైపు పార్టీని.. మరోవైపు తన సొంత ఎన్నిక విషయంలోనూ తీవ్రంగా శ్రమించారు. అన్న మాదిరే పోలింగ్ పూర్తి అయినంతనే ఆమె.. విదేశాలకు వెళ్లిపోయినట్లుగా చెబుతున్నారు. అమెరికాలోని తన కొడుకు కోడలు వద్దకు షర్మిల వెళ్లినట్లుగా తెలుస్తోంది. ఆమె టూర్ ప్లాన్ వివరాలు పెద్దగా బయటకు వచ్చింది లేదు. ఆమె కూడా ఎన్నికల ఫలితాలకు కాస్తంత ముందుగా ఏపీకి చేరుకుంటారని చెబుతున్నారు.