ఎంతగానో ఊరిస్తూ వస్తున్న టీడీపీ జనసేన ఉమ్మడి జాబితా!

ఎంతగానో ఊరిస్తూ వస్తున్న టీడీపీ జనసేన ఉమ్మడి జాబితా మొదటి లిస్ట్ వచ్చే వారం రిలీజ్ చేయనున్నారని ఒక కీలక సమాచారం బయటకు వచ్చింది. ఇప్పటికే దానికి సంబంధించిన కసరత్తు అయితే దాదాపుగా పూర్తి అయింది అని అంటున్నారు. టీడీపీ అధినేత చంద్రబాబు, జనసేన అధినేత పవన్ కళ్యాణ్ కలసి ఈ జాబితాను రిలీజ్ చేయబోతున్నారు అని అంటున్నారు.

టీడీపీకి సంబంధించి చూస్తే యాభై నియోజకవర్గాలకు సంబంధించి తొలి జాబితా బయటకు రానున్నట్లుగా తెలుస్తోంది. ఇందులో 18 సీట్లు సిట్టింగులవే ఉంటాయి. మిగిలిన ముప్పయి రెండు కూడా సీనియర్ మోస్ట్ లీడర్స్ వి ఉంటాయని అంటున్నారు. తొలి జాబితాలో వీరికి కచ్చితంగా టికెట్ దక్కుతుంది అన్న వారే ఉంటారు కాబట్టి ఎలాంటి ఇబ్బంది ఉండదని భావిస్తున్నారు.

ఆయా సీట్లలో రెబెల్స్ కూడా ఉండరు, సో ఆ విధంగా అన్ని జాగ్రత్తలు ముందే తీసుకుని మరీ టీడీపీ జాబితాను రెడీ చేసింది అని అంటున్నారు. ఇక జనసేన విషయనికి వస్తే పది మంది అభ్యర్ధులతో తొలి జాబితా సిద్ధం అవుతోంది అని అంటున్నారు. ఆ పది మంది లిస్ట్ కూడా ప్రచారంలో ఉన్న పేర్లు నియోజకవర్గాలే ఉంటాయని అంటున్నారు. అందువల్ల ఆ పార్టీ నుంచి కూడా అసంతృప్తులు ఎవరూ పెద్దగా ఉండే చాన్స్ లేదని అనుకున్న వారికే టికెట్ అని అంటున్నారు.

ఈ విధంగా సకల జాగ్రత్తలతో పవన్ చంద్రబాబు తొలి జాబితాను రిలీజ్ కి ముహూర్తం పెట్టారని అంటున్నారు. మరో వారం రోజులలో అంటే ఫిబ్రవరి ఇరవై నాటికి ఉండవచ్చు అని అంటున్నారు. ఇప్పటిదాకా వైసీపీ అభ్యర్ధుల లిస్టులతో అధికార పార్టీలోనే వేడి వాడి కనిపిస్తోంది.

టీడీపీ జనసేన కూటమిలో స్తబ్ధత ఉంది. దానిని తొలగించేలా పూర్తిగా జోష్ వచ్చేలా ఈ జాబితా విడుదల కార్యక్రమాన్ని సెట్ చేస్తున్నారు అని అంటున్నారు. ఇద్దరు పార్టీ నేతలూ కూర్చుని రిలీజ్ చేయడం ద్వారా రెండు పార్టీల మధ్య సాన్నిహిత్యం మరింతగా పెరుగుతుందని గ్రౌండ్ లెవెల్ లో కూడా ఐక్యత కనిపిస్తుందని ఆశిస్తున్నారు.

ఇక ఈ జాబితా రిలీజ్ తరువాత బీజేపీతో పొత్తు అఫీషియల్ అయితే దానిని కూడా దృష్టిలో ఉంచుకుని రెండవ విడత జాబితాను రెడీ చేస్తారు అని అంటున్నారు. ఇక విడతల వారీగా జాబితాలను ఆ మీదట ప్రకటిస్తూ మార్చి మొదటి వారం నాటికల్లా బీజేపీ పొత్తు ఉంటే కనుక ఆ పార్టీ పెద్దలతో ఏపీలో కీలకమైన ప్రాంతంలో భారీ బహిరంగ సభ నిర్వహించి ఉమ్మడి ఎన్నికల ప్రణాళిక రిలీజ్ తో ఎన్నికల ప్రచారానికి పూర్తి స్థాయిలో కూటమి దిగుతుందని అంటున్నారు. మొత్తానికి కళ్ళు కాయలు కాచేలా ఎదురుచూస్తున్న టీడీపీ జనసేన తొలి విడత లిస్ట్ త్వరలో విడుదల అన్న ప్రచారం అయితే సాగుతోంది.