అమ్మ గూగులా... మెక్సికోలో అలా, అమెరికాలో ఇలా..!

గత ఏడాది జరిగిన అధ్యక్ష ఎన్నికల్లో గెలిచిన అనంతరం మార్ ఎ లాగో ఎస్టేట్ లో జరిగిన కార్యక్రమంలో మాట్లాడినా డొనాల్ద్ ట్రంప్... ‘గల్ఫ్ ఆఫ్ మెక్సికో’ పేరు మారుస్తానని ప్రకటించిన సంగతి తెలిసిందే. ఇక.. ఇటీవల అమెరికా అధ్యక్షుడిగా బాధ్యతలు స్వీకరించిన అనంతరం దాన్ని ‘గల్ఫ్ ఆఫ్ అమెరికా’గా పేరు మారుస్తూ ఎగ్జిక్యూటివ్ ఆర్డర్ పై సంతకం చేశారు.

ఈ సందర్భంగా స్పందించిన ట్రంప్... ప్రపంచంలోనే అత్యుత్తమ దేశంగా, శక్తివంతమైన ప్రాంతంగా దాని స్థానాన్ని అది పొందిందని వ్యాఖ్యానించారు. ఈ నేపథ్యంలోనే ఈ పేరు మార్పును డొనాల్డ్ ట్రంప్ కార్యవర్గం అధికారికంగా ప్రకటించేసింది. ఈ సమయంలో గూగుల్ మ్యాప్ లో ఈ పేరు మార్పుపై ఆసక్తికర అప్ డేట్ తెరపైకి వచ్చింది.

‘గల్ఫ్ ఆఫ్ మెక్సికో’ పేరును ‘గల్ఫ్ ఆఫ్ అమెరికా’గా మారుస్తూ ట్రంప్ నిర్ణయం తీసుకున్న సంగతి తెలిసిందే. దీనిపై స్పందించిన మెక్సికో అధ్యక్షురాలు.. 1607లో గల్ఫ్ ఆఫ్ మెక్సికో పేరును వాడిన మ్యాప్ లను చూపించారు. గతంలో ఉత్తర అమెరికాను "మెక్సికన్ అమెరికా" అనేవారని వెల్లడించారు. ఈ సమయంలో గూగుల్ వ్యూహాత్మకంగా వ్యవహరించింది.

అవును... డొనాల్డ్ ట్రంప్ గల్ఫ్ ఆఫ్ మెక్సికో ను గల్ఫ్ ఆఫ్ అమెరికాగా పేరు మార్చి సంగతి తెలిసిందే. ఈ క్రమంలో గూగుల్ మ్యాప్ కూడా తన మ్యాప్స్ లో ఈ మేరకు మార్పులు చేసింది. అధికారికంగా సమాచారం వచ్చినప్పుడు ఆ మార్పులు చేయడం సహజమైన ప్రక్రియ అని.. ఇది అప్పటినుంచో జరుగుతుందని గూగుల్ ఎక్స్ వేదికగా వెల్లడించింది.

దీంతో.. ఇప్పుడు అమెరికాలోని గూగుల్ మ్యాప్ లో మెక్సికో పేరు "గల్ఫ్ ఆఫ్ అమెరికా"గా కనిపిస్తుంది. మరి దీనిపై మెక్సికోలోని గూగుల్ యూజర్స్ హర్ట్ అవుతారుగా? అనుకుంటే పొరపాటే. ఎందుకంటే.. మెక్సికో యూజర్లకు మాత్రం అక్కడ "గల్ఫ్ ఆమె మెక్సికో"గానే చూపిస్తుంది. దీంతో... "అమ్మ గూగులా" అని ఒకరంటే.. "గూగులా.. మజాకా" అని మరొకరు కామెంట్ చేస్తున్నారు!