ఉక్రెయిన్ సంక్షోభం : యుద్ధం ముసుగులో దోపిడీ కథ!

ఉక్రెయిన్ ప్రస్తుత పరిస్థితి దయనీయంగా మారింది. దేశం యుద్ధభూమిగా మారిపోయింది, ప్రజలు అనేక ఇక్కట్లను ఎదుర్కొంటున్నారు. మౌలిక వసతుల ధ్వంసం, నిరాశ్రయులుగా మారిన ప్రజలు, ఆర్థిక వ్యవస్థపై తీవ్రమైన ప్రభావం.. ఇవన్నీ ఉక్రెయిన్ సంక్షోభానికి అద్దం పడుతున్న అంశాలు. యుద్ధం వలన దేశం నష్టపోయినదానికంటే ఎక్కువగా విదేశీ శక్తులపై ఆధారపడే పరిస్థితిలోకి దిగజారింది.

- అమెరికా పెట్టుబడులు.. ఉక్రెయిన్ ఆర్థిక స్వాతంత్ర్యంపై ముప్పు

యుద్ధం కారణంగా ఉక్రెయిన్ భారీ ఖర్చులను భరించాల్సి వచ్చింది. అమెరికా సహా పాశ్చాత్య దేశాలు ఉక్రెయిన్‌కు ఆర్థిక, సైనిక సహాయాన్ని అందించాయి. అయితే ఇది ఉచిత సాయమా? అసలు ఉక్రెయిన్ భవిష్యత్తు కోసం ఆ దేశాలను అడ్డుకోవటానికి అమెరికా నిజంగా కృషి చేస్తుందా? అన్న అనుమానాలు కలుగుతున్నాయి. ప్రస్తుత పరిస్థితులను గమనిస్తే, ఉక్రెయిన్ తన ఖనిజ సంపదను, సహజ వనరులను తక్కువ ధరకే విదేశీ పెట్టుబడిదారులకు అప్పగించాల్సిన పరిస్థితి ఏర్పడింది. అమెరికా, ఇతర పాశ్చాత్య దేశాలు తమ పెట్టుబడులకు బదులుగా ఉక్రెయిన్ ఖనిజాలపై హక్కులు సాధిస్తున్నాయి. భవిష్యత్తులో ఉక్రెయిన్ తన సైనిక సహకారాన్ని కూడా కోల్పోయే ప్రమాదం ఉంది. ఇది ఆ దేశ భద్రతా వైపునూ మరింత సంక్షోభంలోకి నెట్టే అవకాశం ఉంది.

- రష్యా ముప్పు ఇంకా తీరలేదు

రష్యా నుంచి ఉక్రెయిన్‌కి ముప్పు ఇంకా తగ్గలేదు. భూభాగాలను ఆక్రమించుకోవడం, ఉక్రెయిన్‌పై ఆధిపత్యాన్ని ప్రదర్శించడానికి రష్యా నిరంతరం కృషి చేస్తోంది. అమెరికా పెట్టుబడిదారులు తాము కోరుకున్నదాన్ని తీసుకుని వెళ్ళిన తర్వాత ఉక్రెయిన్ మరింత అసహాయ స్థితిలో చిక్కుకునే అవకాశముంది. అప్పటివరకు తాము సహాయం చేస్తున్నట్లు కనిపించినా, ఆ తర్వాత ఉక్రెయిన్‌ను పూర్తిగా విడిచిపెట్టే అవకాశాన్ని కొట్టిపారేయలేము.

- కొనసాగుతున్న యుద్ధాలు.. ఇతర దేశాలకు గుణపాఠం

ఉక్రెయిన్ పరిస్థితి ప్రపంచ దేశాలకు ఒక గుణపాఠంగా మారాలి. కేవలం రాజకీయ ప్రయోజనాల కోసం, స్వలాభాల కోసం పెద్ద దేశాలు ఇతర చిన్న దేశాలను తమ ఆటలోకి లాగుతూ, వారిని వినాశనపు దారిలో నడిపిస్తున్నాయి. ఉక్రెయిన్‌తో జరిగినది, భవిష్యత్తులో మరే దేశానికైనా జరిగే ప్రమాదాన్ని సూచిస్తుంది. అంతర్జాతీయ రాజకీయాల్లో స్వతంత్రంగా వ్యవహరించకపోతే, విదేశీ ఆధీనతలోకి వెళ్లిపోతే, తీరని నష్టాన్ని చవి చూడాల్సి వస్తుందని ఈ ఉదంతం స్పష్టంగా తెలియజేస్తుంది.

ప్రపంచ దేశాలు ఈ పరిస్థితిని గమనించి, తమ భద్రత, ఆర్థిక స్వావలంబనపై దృష్టి పెట్టాలి. యుద్ధాల వల్ల ఆర్థికంగా, రాజకీయంగా దేశాలు క్షీణించి, ఇతర దేశాల ఆధీనంలోకి వెళ్లే ప్రమాదం పెరుగుతోంది. ఉక్రెయిన్ గుణపాఠం ద్వారా ఇతర దేశాలు తమ భవిష్యత్తు కోసం ముందస్తు చర్యలు తీసుకోవాలి. లేకపోతే, మరో దేశం కూడా ఉక్రెయిన్ తరహా భవితవ్యాన్ని ఎదుర్కొవలసిన పరిస్థితి ఏర్పడే అవకాశం ఉంది.