బిగ్ బ్రేకింగ్... యూట్యూబర్ ప్రణీత్ హనుమంతు అరెస్ట్!

యూట్యూబర్ ప్రణీత్ హనుమంతు అనే పేరు ఇప్పుడు రెండు తెలుగు రాష్ట్రాల్లోనూ తీవ్ర సంచలనంగా మారిన సంగతి తెలిసిందే. డార్క్ కామెడీ, ర్యాంట్ వీడియోస్ పేరిట నచ్చని వాళ్లని విపరీతంగా, ఇష్టానుసారంగా ట్రోల్ చేయడం వీళ్ల హాబీ అని అంటున్నారు! ఈ క్రమంలోనే తండ్రీకూతుళ్ల బంధంపైనా పిచ్చి ప్రేళాపనలు పేలారు. ఈ క్రమంలో ఇతడిని పోలీసులు అరెస్ట్ చేశారు.

అవును... తండ్రీకూతుళ్ల బంధంపై అసభ్యకర వ్యాఖ్యలు చేసి, తీవ్ర విమర్శలు ఎదుర్కొన్న యూట్యూబర్ ప్రణీత్ హనుమంతు అరెస్ట్ అయ్యారు. బుధవారం ఇతడిని బెంగళూరులో పోలీసులు అరెస్ట్ చేశారు. ఈ నేపథ్యంలో మరి కాసేపట్లో హైదరాబాద్ కు తీసుకురానున్నారని తెలుస్తుంది. ఇతడిపై తెలంగాణ సైబర్ క్రైం పోలీసులు కేసు నమోదు చేసిన సంగతి తెలిసిందే.

కాగా... కొన్నేళ్లుగా తన బ్యాచ్ తో కలిసి వీడియో చాటింగ్ చేస్తూ అసభ్యకర మాటలతో రెచ్చిపోతుండటం ఓ పనిగా పెట్టుకున్నాడు ప్రణీత్ హనుమంతు! ఈ సమయంలో ఇతడి తీరుపై టాలీవుడ్ హీరో సాయిదుర్గ తేజ్ మొదటిసారి రియాక్ట్ అయ్యారు. ఆయన తీరును తీవ్రంగా తప్పుబడుతూ... ఏపీ, తెలంగాణ ముఖ్యమంత్రులకు అతడిపై చర్యలు తీసుకోవాలని కోరుతూ విజ్ఞప్తి చేశారు!

దీంతో ఈ విషయం ఒక్కసారిగా నెట్టింట వైరల్ గా మారింది. ఈ నేపథ్యంలో తెలంగాణ పోలీసులు అతనిపై కేసు నమోదు చేశారు. ఈ క్రమంలో అతడి ఆచుకీ కనిపెట్టి బెంగళూరులో అదుపులోకి తీసుకున్నారు. అక్కడే అతడిని కోర్టులో హాజరుపరిచారని తెలుస్తుంది. అనంతరం ట్రాన్సిట్ వారెంట్ ద్వారా అతడిని హైదరాబాద్ కు తీసుకురానున్నారు.

ఈ నేపథ్యంలో పోలీసులు అతడిపై నాన్ బెయిలబుల్ వారెంట్ కేసు నమోదు చేశారని తెలుస్తుంది! అతడితో పాటు అతని ముగ్గురు స్నేహితులనూ అరెస్ట్ చేసే ప్రయత్నంలో చివరి దశలో ఉన్నారని అంటున్నారు!!