AR రెహమాన్ లాగా ఇళయరాజాకు లేదు!

మ్యూజిక్ మ్యాస్ట్రో ఇళ‌య‌రాజా ఇటీవ‌ల త‌న పాట‌ల‌ కాపీ రైట్ హ‌క్కుల విష‌యంలో కోర్టుల ప‌రిధిలో పోరాటం సాగిస్తున్న సంగ‌తి తెలిసిందే. కానీ ఇదేమీ ఆయ‌న‌కు అనుకూలంగా ఉన్న‌ట్టు లేదు. స్వ‌ర‌మాంత్రికుడు ఇళయరాజాకు అనుకూలంగా సింగిల్ జడ్జి 2019 ఆర్డర్‌కు వ్యతిరేకంగా పాపుల‌ర్ మ్యూజిక్ లేబుల్ దాఖలు చేసిన అప్పీల్‌పై తుది విచారణ కొన‌సాగుతోంది.

సంగీత విద్వాంసుడు ఏ.ఆర్.రెహ‌మాన్ ను అనుసరించిన విధానానికి భిన్నంగా మాస్ట్రో ఇళయరాజా 1970ల నుండి 1990ల మధ్యకాలంలో స్వరపరిచిన దాదాపు 4,500 సినిమా పాటల కాపీరైట్ హక్కుల‌ను క‌లిగి లేరు. దానికి సంబంధించిన నిర్దిష్ట నిబంధనను జోడించి ఇళ‌య‌రాజాతో చిత్ర నిర్మాతలకు ఒప్పందాలు ఉన్నాయి. అందువల్ల రాజా ఆ పాటలపై ఎటువంటి హక్కును క్లెయిమ్ చేయలేరు. ఇదే విష‌యాన్ని ప్ర‌స్థావిస్తూ ఎకో రికార్డింగ్ ప్రైవేట్ లిమిటెడ్ 13 జూన్ 2024 (గురువారం)న‌ మద్రాస్ హైకోర్టు ముందు వాదించింది.

తాత్కాలిక ప్రధాన న్యాయమూర్తి ఆర్. మహదేవన్ - మహమ్మద్ షఫీక్‌లతో కూడిన మొదటి డివిజన్ బెంచ్ ముందు సీనియర్ న్యాయవాది విజయ్ నారాయణ్ త‌న వాద‌న వినిపించారు. ఈ కేసులో మ్యూజిక్ లేబుల్ త‌ర‌పున ఆయ‌న వాద‌న ఇలా ఉంది. మిస్టర్ ఇళయరాజా నిజంగా హక్కులను కలిగి ఉంటే .. ఆ ఒప్పంద ప‌త్రాలను కోర్టు ముందు సమర్పించడం ద్వారా నిరూపించడానికి అవ‌కాశం ఉంది. అయితే విచారణ సమయంలో అలా చేయడంలో ఇళ‌య‌రాజా ఘోరంగా విఫలమయ్యార‌ని పేర్కొన్నాడు.

సీనియర్ న్యాయవాది మాట్లాడుతూ. 1957 కాపీరైట్ చట్టం ప్రకారం సంగీతకారుడు- నిర్మాత‌ల‌ మధ్య ఆశించిన విధంగా ఒప్పందం కుదుర్చుకోని పక్షంలో, సంగీత కళాకారులు స్వరపరిచిన పాటల కాపీరైట్ మొదటి యజమాని సినిమా నిర్మాతలేనని స్పష్టం చేశారు. నాకు మిస్టర్ ఎ.ఆర్. రెహమాన్ త‌ర‌హా కాపీరైట్ ఒప్పందాల‌తో ఎప్పుడూ ఇళ‌య‌రాజా ఒప్పందాలు స‌రిపోవు. ఇప్పుడు చాలా మంది రచయితలు, సంగీత ద‌ర్శ‌కులు జాగ్ర‌త్త‌గా ఉన్నారు. ఆ రోజుల్లో ఈ కాన్సెప్ట్ లేదు కాబట్టి మిస్టర్ ఇళయరాజాకి ఏ హక్కు లేదు``అని వాదించారు.

ఒక నిర్మాత పారితోషికం ఇచ్చి తెచ్చుకునే సంగీతద‌ర్శ‌కుడు కాపీరైట్‌ను కలిగి ఉండకపోవడానికి అనేక కారణాలు ఉండవచ్చని పేర్కొంటూ లాయ‌ర్ నారాయణ్ ఇలా అన్నారు. కొన్నిసార్లు, ఒక సంగీతకారుడు తన కెరీర్ ప్రారంభంలో ఉన్నప్పుడు ఆర్థికపరమైన అంశాలు.. హ‌క్కుల‌ అవసరం కంటే ఎక్కువగా ఉండవచ్చు. వర్ధమాన సంగీత విద్వాంసులు అయితే చాలా తక్కువ పారితోషికాన్ని తీసుకునే అవకాశం ఉంది. కానీ మిస్టర్ ఇళయరాజాకు అప్ప‌ట్లోనే చాలా బాగా చెల్లించారని తెలిసింది... అని వాదించారు.

అప్పీలుదారు (మ్యూజిక్ లేబుల్‌) నిర్మాతల నుండి 4,500 పాటల కాపీరైట్‌ను కొనుగోలు చేసినప్పటికీ, మిస్టర్ ఇళయరాజా ఇప్పటికీ ఆ కంపోజిషన్‌లను ఉపయోగించుకోవచ్చని 2019లో హైకోర్టు సింగిల్ జడ్జి తప్పుగా పేర్కొన్నారని నారాయణ్ వాదించారు. ఇళ‌య‌రాజా స్థాయి అప్ప‌ట్లో ప్ర‌భావం చూపడం వ‌ల్లే అలాంటి తీర్పును ఇచ్చారు. అయితే ఒక్కసారి కోర్టుకు వచ్చిన వ్యక్తిని ఎదుటి వ్యక్తితో సమానంగా చూడాల్సి ఉంటుందన్నది వాస్తవం. ప్రత్యేకించి వాణిజ్య లావాదేవీల విషయానికి వస్తే ఎవరూ ప్రత్యేక హోదాను క్లెయిమ్ చేయలేరు అని శ్రీ నారాయణ్ అన్నారు. ఒక‌సారి పారితోషికం పొందిన ఇళ‌య‌రాజాకు ఆ త‌ర్వాత హ‌క్కుల‌ను క్లెయిమ్ చేయ‌లేర‌ని కూడా జ‌డ్జి వ్యాఖ్యానించారు. విజ‌య్ నారాయ‌ణ్‌ వాదనలు విన్న తర్వాత, 19 జూన్ 2024న మిస్టర్ ఇళయరాజా తరపున వాదిస్తున్న మిస్టర్ పరాశరన్ వాదనను వినిపించాలని డివిజన్ బెంచ్ నిర్ణయించింది.