ఆసక్తిని రేకెత్తిస్తున్న 'వన్ నాట్‌ ఫైవ్ మినిట్స్‌'

హన్సిక ప్రధాన పాత్రలో రూపొందుతున్న వన్‌ నాట్‌ ఫైవ్‌ మినిట్స్ సినిమా ప్రస్తుతం ఇండస్ట్రీ వర్గాల్లో చర్చనీయాంశంగా మారింది. సినిమా మొత్తం సింగిల్ షాట్ గా రూపొందిస్తున్నట్లుగా చెబుతున్నారు. ఇదో విభిన్నమైన ప్రయోగాత్మక సినిమా. హైదరాబాద్ లో ఈ సినిమా చిత్రీకరణ పూర్తి చేశారు. సింగిల్‌ షాట్‌ మూవీ అంటే ఎలా ఉంటుంది.. అసలు ఈ సినిమా కథ ఏంటీ అనే చర్చ జరుగుతున్న ఈ సమయంలోనే సినిమా నుండి పోస్టర్‌ లు రెండు వచ్చి సినిమాపై అంచనాలు మరింతగా పెంచేస్తున్నాయి.

హీరోయిన్ గా హన్సిక నటిస్తున్న ఈ సినిమా కు రాజు దుస్సా దర్శకత్వం వహిస్తున్నాడు. నేడు హన్సిక పుట్టిన రోజు సందర్బంగా వన్‌ నాట్ ఫైవ్‌ మినిట్స్ పోస్టర్ ను విడుదల చేశారు. చిత్ర యూనిట్‌ సభ్యులు విడుదల చేసిన రెండు పోస్టర్ లు కూడా సినిమాపై అంచనాలు పెంచే విధంగా ఉన్నాయి. ఒక పోస్టర్ లో బాహుబలిలో అనుష్క మాదిరిగా హన్సిక సంకెళ్లతో ఉంది. ఆ సన్నివేశం ఏంటీ.. ఈ కథ ఏంటీ అంటూ కూడా అందరిలో సస్పెన్స్ ను ఈ పోస్టర్ లు క్రియేట్‌ చేయడంలో సఫలం అయ్యాయి. అన్ని వర్గాల వారిని ఆకట్టుకునేలా ఉంటుందని అంటున్నారు.

సినిమాకు సంబంధించిన వర్క్ శరవేగంగా జరుగుతుందట. త్వరలోనే ఈ ప్రయోగాత్మక సినిమాను విడుదల చేయబోతున్నట్లుగా తెలుస్తోంది. ఆ అమ్మాయి జీవితంలో 105 నిమిషాల్లో జరిగిన పరిణామాలు ఏంటీ అనేది ఈ సినిమాలో చూపించబోతున్నట్లుగా తెలుస్తోంది. ఈ సినిమా ఫస్ట్‌ లుక్ ను దర్శకుడు బాబీ విడుదల చేయడం జరిగింది. ఈ సినిమా తో పాటు హన్సిక ప్రస్తుతం తమిళంలో వరుసగా సినిమాలు చేస్తూనే ఉన్న విషయం తెల్సిందే.