ఫోటో స్టొరీ: Mr. మజ్ను ఒడిలో జున్ను!

అఖిల్ అక్కినేని తన తాజా చిత్రాన్ని వెంకీ అట్లూరి దర్శకత్వంలో చేస్తున్నాడు. సినిమా పేరు అధికారికంగా ప్రకరించలేదు గానీ ఈ సినిమాకు 'Mr. మజ్ను' అనే టైటిల్ ను రిజిస్టర్ చేసినట్టు వార్తలు వచ్చిన సంగతి తెలిసిందే. ఈ సినిమా షూటింగ్ ప్రస్తుతం జోరుగా సాగుతోంది. ఇదిలా ఉంటే ఈ సినిమా షూటింగ్ లొకేషన్ కు ఒక స్పెషల్ గెస్ట్ వచ్చారని ఆ గెస్ట్ రావడం ఒక లవ్లీ సర్ ప్రైజ్ అని అఖిల్ అంటున్నాడు.

ఇంతకీ ఆ గెస్ట్ ఎవరంటే మైరా దండేకర్. అఖిల్ లాస్ట్ సినిమా 'హలో' లో హీరోయిన్ కళ్యాణి ప్రియదర్శన్ చిన్నప్పటి పాత్ర పోషించిన బాలనటి. సినిమా షూటింగ్ లొకేషన్ కు వచ్చి అఖిల్ ను కలవడంతో అఖిల్ జున్ను పాప ను చూసి థ్రిల్ అయ్యాడట. చాలా సేపు కబుర్లు చెప్పుకున్నారట. ఆ పాపతో కలిసి తీసుకున్న ఫోటో ను ఇన్స్టాగ్రామ్ లో షేర్ చేశాడు. "లవ్లీ సర్ ప్రైజ్ ఇచ్చినందుకు థ్యాంక్ యు స్వీట్ హార్డ్.. @మైరా దండేకర్. నీలాగే స్మైల్ కూడా చాలా స్పెషల్" అంటూ క్యాప్షన్ పెట్టాడు.

నిజమే.. నెటిజనులు కూడా జున్ను పాప స్మైల్ కు ఫిదా అయ్యారు. మైరానే కాదు అఖిల్ స్మైల్ కూడా సూపర్ గా ఉందని కాంప్లిమెంట్ ఇస్తున్నారు. ఇక కొంతమంది 'శీను తో జున్ను' అని.. 'Mr. మజ్ను ఒడిలో జున్ను!' అంటూ క్యాప్షన్స్ ఇచ్చారు .