అల్లు మ‌న‌వరాలు వానా వానా వ‌ల్ల‌ప్పా

లిటిల్ ఏంజెల్ అల్లు మ‌న‌వరాలు ఆటా పాటా చూశారా? ఎంతో ప్లెజెంట్ గా హాయిగా అలా ఆరుబ‌య‌ట ఎంతో క్యూట్ గా ల‌వ్ లీగా ప్ర‌త్య‌క్ష‌మైంది. ఆ అమాయ‌క‌మైన మోము.. అంద‌మైన పింక్ డ్రెస్ లో ముచ్చ‌ట‌గొలుపుతోంది. వానా వానా వ‌ల్ల‌ప్పా! అంటూ ఆట‌ల్లో మునిగి తేలిన‌ట్టే ఉంది ఈ ఫోటోషూట్.

ఇప్ప‌టికే అల్లు అర్హ‌కు బోలెడంత మంది అభిమానులున్నారు. త‌న క్యూట్ చ‌బ్బీ లుక్స్ కి.. అల్ల‌రికి ఫ్యాన్సున్నారు. అందుకే ఈ ఫోటో అంత‌ర్జాలంలో వైర‌ల్ గా మారింది. అన్న‌ట్టు అర్హ‌ను చూస్తుంటే మెగాస్టార్ చిరంజీవి న‌టించిన బ్లాక్ బ‌స్ట‌ర్ మూవీ `ప‌సివాడి ప్రాణం`లో చిన్నారి బాల‌కుడిగా న‌టించిన పాప గుర్తొస్తోంది. అదే ఏజ్ కావ‌డంతో పాత జ్ఞాప‌కాలు గుర్తుకు రావ‌డం ఆస‌క్తికరం.

ఇక అర్హ ఆట పాట‌లంటే ఎంత ఆస‌క్తిగా ఉంటుందో ఈ లుక్ చూస్తేనే తెలిసిపోతోంది. త‌న‌తోనే బ‌న్నీకి ఆట‌విడుపు. అల‌సి సొల‌సి షూటింగుల నుంచి ఇంటికి రాగానే త‌న‌తో ఆట‌పాట‌ల్లో మునిగిపోతాడు. బ‌న్ని ప్ర‌స్తుతం సుకుమార్ ద‌ర్శ‌క‌త్వంలో బ‌హుభాషా చిత్రం పుష్ప‌లో న‌టిస్తున్నాడు. ఆల‌స్యంగా మొద‌లైనా ఈ చిత్రాన్ని సుక్కూ మ‌రింత ప‌క‌డ్భందీగా తెర‌కెక్కించేందుకు ప్ర‌ణాళిక‌ల్ని సిద్ధం చేసాడు.