క‌ల‌ర్స్ స్వాతి మ‌ళ్లీ రంగంలోకి

స్వామిరారా- కార్తికేయ చిత్రాల్లో యువ‌హీరో నిఖిల్ కి జోడీగా క‌ల‌ర్స్ స్వాతి న‌టించింది. సెంటిమెంట్ వ‌ర్క‌వుట్ అయ్యిందో లేక కంటెంట్ తో ప‌న‌య్యిందో తెలియ‌దు కానీ ఈ రెండు చిత్రాలు వ‌రుస‌గా నిఖిల్ కు సూప‌ర్ హిట్ అయ్యాయి. ఆ త‌రువాత నిఖిల్ `ఎక్క‌డికి పోతావు చిన్న‌వాడా` సినిమాతో మ‌రో బ్లాక్ బ‌స్ట‌ర్ ని సొంతం చేసుకున్నాడు. ఆ త‌రువాత కేశ‌వ యావ‌రేజ్. ర‌క‌ర‌కాల డైల‌మాల న‌డుమ రిలీజైన‌ `అర్జున్ సుర‌వ‌రం`తో మ‌ళ్లీ ఇంత కాలానికి మ‌రో హిట్ అందుకున్నాడు.

అయితే నిఖిల్ మ‌రోసారి ఎక్స్ కొలీగ్ కి ఆఫ‌ర్ ఇస్తున్నాడ‌ట‌. త‌న తాజా చిత్రానికి క‌ల‌ర్స్ స్వాతి కావాల‌ని ప‌ట్టుబ‌డుతున్నాడ‌ట‌. నిఖిల్ ప్ర‌స్తుతం `కార్తికేయ‌` సీక్వెల్ లో న‌టించేందుకు స‌న్నాహకాల్లో ఉన్నాడు. చందు మొండేటి ఈ చిత్రానికి ద‌ర్శ‌క‌త్వం వ‌హిస్తున్నారు. పీపుల్స్ మీడియా ఫ్యాక్ట‌రీ బ్యాన‌ర్ పై టీజీ విశ్వ‌ప్ర‌సాద్ నిర్మిస్తున్నారు. త్వ‌ర‌లోనే షూటింగ్ ప్రారంభం కానుంది. అయితే ఇందులో సెంటిమెంట్ ప్ర‌కారం క‌ల‌ర్స్ స్వాతి వుండాల్సిందేన‌ని ద‌ర్శ‌కుడు చందుతో పాటు.. నిఖిల్ ప‌ట్టుబ‌డుతున్నార‌ట‌. ఇటీవ‌లే స్వాతిని క‌లిశార‌ని.. రీఎంట్రీ ఇచ్చేందుకు గ్రీన్‌సిగ్న‌ల్ ఇచ్చింద‌ని తెలిసింది.

అయితే స్వాతి ఇందులో హీరోయిన్ గా క‌నిపించ‌దు. సినిమాలోకి కీల‌క స‌న్నివేశాల్లో న్యూస్ రిపోర్ట‌ర్ గా క‌నిపిస్తుంద‌ట‌. మిస్టీరియ‌స్ టెంపుల్స్ నేప‌థ్యంలో ఆస‌క్తిక‌ర క‌థాంశంతో తెర‌కెక్క‌నున్న‌ ఈ సినిమాలో నిఖిల్ కు జోడీగా అనుప‌మ ప‌ర‌మేశ్వ‌ర‌న్ ని చిత్ర బృందం ఇప్ప‌టికే ఫైన‌ల్ చేసిన‌ట్టు స‌మాచారం.