పవన్ రాజకీయాలకు ఎందుకు పనికిరాడంటే...

రాజకీయాల్లో పవన్ రాణిస్తాడా లేదా అన్నది చాలామందిలో ఉన్న అనుమానం. ఆయనకున్న జనాదరణ బట్టి రాణిస్తాడని చాలామంది అనుకుంటున్నా పవన్ తీరుతెన్నులు, నైజం బట్టి మాత్రం ఆయన రాణించలేరనేవారూ ఎక్కువే. ఇలాంటి సందర్భంలో పవన్ కు గతంలో బిగ్ హిట్ ఇచ్చిన డైరెక్టరు ఒకరు పవన్ రాజకీయాలకు సూటవరని చెప్పడం చర్చనీయాంశమైంది.

పవన్ నటించిన తమ్ముడు సినిమా గుర్తుందా..? సూపర్ హిట్ అది. ఆ సినిమా డైరెక్టర్ అరుణ్ ప్రసాద్ రీసెంటుగా ఓ ఇంటర్వ్యూలో ప‌వ‌న్ క‌ల్యాణ్ గురించి కొన్ని ఆస‌క్తిక‌ర విష‌యాల‌ను వెల్ల‌డించారు. ప‌వ‌న్ లాంటి వ్య‌క్తి అస‌లు రాజ‌కీయాల‌కు స‌రిపోడ‌ని చెప్పారు. త‌నవ‌ర‌కైతే ప‌వ‌న్ రాజ‌కీయాల్లోకి రావ‌డం అస్స‌లు ఇష్టం లేద‌ని వెల్ల‌డించారు.

ముఖ్యంగా పవన్ కు విమర్శలు చేసే గుణం లేదని... ఎవ‌రైనా ఏదైనా అంటే మాట ప‌డ‌తాడేమో గానీ, తిరిగి మ‌రో మాట అనే మ‌న‌స్త‌త్వం కాద‌ని అరుణ్ ప్ర‌సాద్ చెప్పారు. ఇప్పటి రాజ‌కీయాల‌కు ప‌వ‌న్ అస్స‌లు స‌రిపోడ‌ని, ప‌వ‌న్ మాట‌ల యుద్ధంలో గెల‌వ‌లేడ‌ని, ఎదుటివారిని ఓ మాట అన‌డం ప‌వ‌న్‌కు తెలియ‌ద‌ని అరుణ్ ప్ర‌సాద్ చెప్పుకొచ్చారు.

Like Us on Facebook : https://www.facebook.com/Tupakidotcom/