ఎంతగా గ్లామర్ ఒలికించినా లాభం లేని భామ.. హాట్ షో!

టాలీవుడ్ ఇండస్ట్రీలో హీరోయిన్ మధురిమ గుర్తుందా.. అంటే గుర్తురాదు. ఎందుకంటే తెలుగులో పెద్దగా సినిమాలు చేయలేదు. కానీ కొత్తజంట సినిమాలోని 'అటు అమలాపురం.. ఇటు పెద్దాపురం' అనే పాట గుర్తుచేస్తే మాత్రం ఖచ్చితంగా అమ్మడిని గుర్తు పడతారు. ఆ ఐటమ్ సాంగ్ లో అందాలు ఆరబోసి కుర్రకారుతో కేకలు పెట్టించిన ఈ భామ.. తెలుగులో 'ఆఒక్కడు' 'మౌనరాగం' 'సరదాగా కాసేపు' లాంటి సినిమాలు చేసింది. అయితే మధురిమ తెలుగులో చేసిన సినిమాలన్ని బాగున్నాయని టాక్ తెచ్చుకున్నాయి. కానీ ఈ భామకు మాత్రం ఎలాంటి గుర్తింపు తీసుకు రాలేకపోయాయి. తెలుగులో అవకాశాలు అడపాదడపా మాత్రమే పలకరిస్తూ ఉండటంతో ఈ భామ బాలీవుడ్ వైపు వెళ్ళిపోయింది.

సినిమా వాళ్లకు సెంటిమెంట్స్ ఎక్కువే అన్నట్లుగా మధురిమ.. పేరు మార్చుకుంటే కలిసి వస్తుందని, పేరులో ఏదైనా అక్షరం మార్చుకుంటే బ్రేక్ వస్తుందని నమ్ముకుంది. కెరీర్ డీలా పడినపుడల్లా ఇలా చేస్తుంటారట. నటుడు అజయ్‌ హీరోగా పరిచయమైన 'ఆ ఒక్కడు' సినిమాతో హీరోయిన్‌గా తెలుగు ప్రేక్షకులకు పరిచయమైంది మధురిమ. ఈ బ్యూటీ పలు తెలుగు సినిమాలతో తెలుగు ప్రేక్షకులను ఆకట్టుకుంది. కెరీర్ లో ఇప్పటివరకు సరైన బ్రేక్ రాలేదు. దాంతో మదురిమ అనే తన పేరుని నైనా బెనర్జీగా మార్చుకుంది. బాలీవుడ్‌లో 'వన్ నైట్ స్టాండ్' అనే అడల్ట్ కంటెంట్ మూవీలో అందాల ఆరబోత చేసింది.

ఈ సినిమాతో బాలీవుడ్ లో సెటిల్ అవ్వాలని అనుకుంది. అందుకే మధురిమగా ఉన్న తన పేరుని నైనా బెనర్జీగా మార్చుకుంది. అయితే బాలీవుడ్ లో కూడా ఈ భామకు బ్రేక్ రాలేదు. దాంతో కన్నడ - మలయాళ చిత్రాల్లో కూడా చాలానే ప్రయత్నాలు చేసింది కానీ ఫలితం లేదు. తెలుగులో చాలా సినిమాలు చేసిన మధురిమ.. హీరోయిన్ కంటే ఐటమ్ భామగా బాగా అలరించింది. తాజాగా సోషల్ మీడియాలో అమ్మడు గ్లామరస్ పిక్స్ పోస్ట్ చేసింది. స్టైలిష్ అందాలన్నీ ఉట్టిపడే డ్రెస్ లో నైనా ఊరిస్తోంది. డ్రెస్ లో ఈ సొగసరి ఎదసొంపులు అభిమానుల మతులు పోగొడుతున్నాయి. ప్రస్తుతం ఇటు సౌత్ లో అటు నార్త్ లో అదృష్టాన్ని పరీక్షించుకునే ప్రయత్నంలో ఉంది. అలాగే అమ్మడు ఫలానా భాషా చిత్రాలను మాత్రమే చేయాలనే షరతులు ఏం పెట్టుకోకుండా ఏ భాషలో అయినా నటించేందుకు రెడీగా ఉన్నానని అంటోంది మధురిమ అలియాస్ నైనా బెనర్జీ. ప్రస్తుతం ఆమె పిక్స్ నెట్టింట చిచ్చురేపుతున్నాయి.