మహేష్ బర్త్ డే ట్విట్టర్ స్పేస్: సూపర్ స్టార్ గురించి సినీ ప్రముఖులు ఏమన్నారంటే..!

సూపర్ స్టార్ మహేష్ బాబు పుట్టినరోజును ఈరోజు అభిమానులు గ్రాండ్ గా సెలబ్రేట్ చేశారు. ఎప్పటి నుంచో ఈ పండుగ కోసం ప్లాన్ చేసుకున్న సూపర్ ఫ్యాన్స్ రక్త దానాలు, అన్నదానాలు చేయడంతో పాటుగా మహేష్ పిలుపు మేరకు పెద్ద ఎత్తున మొక్కలు నాటి అభిమానాన్ని చాటుకున్నారు. ఇక మహేష్ బర్త్ డే సందర్భంగా సోషల్ మీడియాలో శుభాకాంక్షలు వెల్లువెత్తుతున్నాయి. ఫ్యాన్స్ తో పాటుగా సినీ రాజకీయ ప్రముఖులు సూపర్ స్టార్ కు బర్త్ డే విషెస్ తెలియజేసారు.

అలానే మహేష్ బాబు పుట్టినరోజు సందర్భంగా 20 మంది టాలీవుడ్ సినీ ప్రముఖులు కలిసి ట్విట్టర్ లో బిగ్గెస్ట్ స్పెషల్ స్పేస్ సెషన్ ను ఏర్పాటు చేశారు. సూపర్ స్టార్ కృష్ణ మాట్లాడటంతో స్టార్ అయిన ఈ స్పేస్ సెషన్ లో ప్రతి ఒక్కరూ మహేష్ గురించి, ఆయనతో వారికున్న అనుబంధం గురించి మాట్లాడారు. శ్రీనువైట్ల - అనిల్ రావిపూడి - వంశీ పైడిపల్లి - పరశురామ్ పెట్లా - సందీప్ రెడ్డి వంగా - గోపీచంద్ మలినేని - బాబీ - మెహర్ రమేష్ - అల్లరి నరేష్ - అడవి శేష్ - సుధీర్ బాబు - మైత్రీ ప్రొడ్యూసర్స్ - 14 రీల్స్ ప్రొడ్యూసర్స్ - అనిల్ సుంకర - నాగవంశీ - దేవిశ్రీప్రసాద్ - థమన్ - గోపీ మోహన్ - కోన వెంకట్ - బ్రహ్మాజీ వంటి సెలబ్రిటీలు ఈ ట్విట్టర్ స్పేస్ లో పాల్గొన్నారు.

సూపర్ స్టార్ కృష్ణ మాట్లాడుతూ.. 'హ్యాపీ బర్త్ డే మహేష్. సర్కారు వారి పాట ఫస్ట్ లుక్ చూసాను. చాలా బాగుంది. వచ్చే సంక్రాంతి పండక్కి నీకు ఈ చిత్రం పెద్ద హిట్ ఇవ్వాలని మనస్పూర్తిగా కోరుకుంటున్నాను'' అని అన్నారు. ఈ సందర్భంగా మిగతా సినీ ప్రముఖులు ఏమి మాట్లాడారంటే...

'సర్కారు వారి పాట' బ్లాస్టర్‌లో మేము వింటేజ్ మహేశ్ బాబుని చూశాము. మహేష్ తో నా తదుపరి చిత్రం విపరీతమైన మాస్ సినిమా అవుతుంది. మీ అంచనాలకు మించి ఉంటుంది - డైరెక్టర్ వంశీ పైడిపల్లి

నేను మీకు 'దూకుడు' ఇవ్వడం కాదు. మీరే నాకు బ్లాక్ బస్టర్ ఇచ్చారు. తప్పకుండా అజయ్ క్యారక్టర్ కు ఎక్స్ టెన్షన్ గా మహేష్ తో ఇంకో బ్లాక్ బస్టర్ తీస్తాను - డైరెక్టర్ శ్రీను వైట్ల

మహేష్ బాబు గారిని విభిన్నమైన పాత్రలో ప్రదర్శించడం నాకు చాలా ఇష్టం. అందరు హీరోలు దర్శకులని భుజాన పెట్టుకుంటే మహేష్ గారు నెత్తిన పెట్టుకుంటారు. బౌండరీస్ లేకుండా హలో బ్రదర్ లాంటి ఒక స్టోరీ దొరికితే రఫ్ఫాడించొచ్చు. సరిలేరు.. లో నాకు కొన్ని బౌండరీస్ వల్ల ఇంకా ఎక్కువ ఎక్స్ప్లోర్ అవలేదు - డైరెక్టర్ అనిల్ రావిపూడి

మహేష్ బాబు బెస్ట్ డైరెక్టర్స్ హీరో. సూపర్ స్టార్ తో పని చేయాలన్నది ప్రతి దర్శకుడి కల - డైరెక్టర్ బాబీ

మహేష్ చాలా స్పెషల్ పర్సన్. పుట్టినరోజు వంటి వాటికి ఎగ్జైట్ అయ్యే వ్యక్తి కాదు. నేను 5 రోజుల ముందు బ్లాస్టర్‌ ను చూశాను. సూపర్ ఎగ్జైటింగ్ గా ఉన్నాను. 'సర్కారు వారి పాట' బ్లాస్టర్ నాకు 'పోకిరి' ని గుర్తు చేసింది - డైరెక్టర్ మెహర్ రమేష్

మహేష్ బాబు గారి సినిమాలలో నాకు ఇష్టమైన సినిమాలు 'పోకిరి' 'దూకుడు' 'ఒక్కడు'. దర్శకుడిగా నాకు మహేష్ గారు అంటే చాలా ఇష్టం. ఆయనతో పర్ఫెక్ట్ మాస్ ఫిల్మ్ చేయాలని ఉంది. నేను ఆయన్ని కలిసినప్పుడల్లా, ఆయన చూపించే ఆప్యాయతతో నేను చాలా సంతోషిస్తాను. మహేష్ గారికి సెన్సాఫ్ హ్యూమర్ ఎక్కువ - డైరెక్టర్ గోపీచంద్ మలినేని

మహేష్ గారు నేను కలిసి తప్పకుండా సినిమా చేస్తాం. నాకు సర్ తో వర్క్ చేయడానికి చాలా ఇంట్రెస్ట్ ఉంది. నేను ఇప్పటికే కథ చెప్పాను. సరైన టైం వచ్చినప్పుడు అది వస్తుంది. మనం మహేష్ గారి నుంచి 25% మాత్రమే.. ఇంకా 75% చూపించాల్సి ఉంది. ఆయన2ఎక్స్ట్రీమ్ గుడ్ లుకింగ్ - దర్శకుడు సందీప్ రెడ్డి వంగా

రాజమౌళి గారి సినిమా తర్వాత మహేష్ గారు వెంటనే డేట్స్ కేటాయిస్తే మేము భారీ పాన్ ఇండియా చిత్రాన్ని నిర్మించడానికి సిద్ధంగా ఉన్నాము - మైత్రి మూవీ మేకర్స్ నిర్మాత రవిశంకర్

మహేష్ ప్రతి పాత్ర కోసం చాలా కష్టపడి తన లుక్స్‌ ని చూసుకుంటాడు. మీరు మనస్సు, ఆలోచనలు మరియు ఒక వ్యక్తిగా ఫిట్‌ గా ఉండాలి మహేష్ - మహేష్ సతీమణి నమ్రత శిరోద్కర్

సూపర్‌ స్టార్‌ గా ఉండటం ద్వారా మహేష్‌ బాబు ఎల్లప్పుడూ పాత్రకు అవసరమైనది చేస్తాడు. అంతకు మించి ఎన్నడూ చేయడు - హీరో సుధీర్ బాబు

ఈ పాటను మహేష్ బాబు గారికి అంకితం చేస్తున్నాను. 'మనుషులందు నీ కథ మహర్షిలా సాగదా' - రాక్‌ స్టార్ దేవిశ్రీప్రసాద్

మహేష్ గారు త్రివిక్రమ్ కాంబోలో వచ్చేది యాక్షన్ జోనర్ మూవీ. డెఫినెట్ గా 'అతడు' 'ఖలేజా' కంటే పెద్ద సక్సెస్ అవుతుంది. వచ్చే ఏడాది #SSMB28 తో ఇండస్ట్రీ హిట్ కొట్టి ట్విట్టర్ స్పేస్ కి వస్తాం - సితార ఎంటర్టైనెంట్స్ నిర్మాత నాగవంశీ

నేను మహేష్ గారి GMB బ్యానర్ లో వర్క్ చేయడం నాకు దక్కిన అదృష్టం. 'మేజర్' మూవీకి సంబంధించిన నాకు చాలా ఫ్రీడమ్ ఇచ్చారు. 'సర్కారు వారి పాట' బ్లాస్టర్ నేను ముందే చూసాను. చాలా మంచి హై ఫీలింగ్ వచ్చింది - హీరో అడవి శేష్

నాకు సెకండ్ థాట్ లేదు. బుజ్జిగారు సూపర్ స్టార్ మహేష్ గారితో చాలా పెద్ద సినిమా తీయాలని అనుకున్నారు - ఎస్ ఎస్ థమన్

ఈ స్పెషల్ ట్విట్టర్ స్పేస్ లో భాగం అయినందుకు చాలా సంతోషంగా ఉంది. తండ్రిగా కంటే ఒక గైడ్ లా ఫ్రెండ్ గా ఉన్నందుకు హ్యాపీ బర్త్ డే నాన్న. సర్కారు వారి పాట బ్లాస్టర్ చాలా బాగుంది. చాలా కొత్తగా అనిపించింది. పరాశురామ్ గారికి మరియు టీమ్ అందరికీ ఆల్ ది బెస్ట్. మా నాన్న మీద పరిమితులులేని ప్రేమను చూపిస్తున్న ఫ్యాన్స్ కు నా కృతజ్ఞతలు - గౌతమ్ ఘట్టమనేని

మహేష్ బాబు గారి కెరీర్ లో 'సర్కారు వారి పాట' మరొక బెస్ట్ మూవీ అవుతుంది. చాలా మంచి సినిమా అవుతుంది. ఇండస్ట్రీలో బిగెస్ట్ మూవీ అవుతుంది. స్క్రిప్ట్ కి అంత స్కోప్ ఉంది. డెఫినెట్ గా చాలా మంచి సినిమా అవుద్ది. మళ్ళీ ట్రైలర్ ఉంది. చాలా అప్డేట్స్ ఉన్నాయి. ఫ్యాన్స్ అస్సలు డిజప్పాయింట్ అవ్వరు- డైరెక్టర్ పరాశురామ్

మహేష్ గారు రెండు విషయాలను ఇష్టపడతారు. ఒకటి ఫ్యామిలీ..రెండు సినిమా. నాకు 'ఒక్కడు' 'పోకిరి' చిత్రాలు అంటే ఇష్టం. సర్కారు వారి పాట బ్లాస్టర్ లో మహేష్ గారి లుక్ సూపర్. మళ్ళీ మహేష్ గారితో సినిమా చేసే అవకాశం వస్తే స్క్రిప్ట్ వినకుండానే సినిమా చేస్తా - హీరో అల్లరి నరేష్

హాయ్, మహేష్ గారు. మీకు పుట్టినరోజు శుభాకాంక్షలు. మీరు ఎల్లప్పుడూ నవ్వుతూ మీ చుట్టూ ఉన్నవారందరికి ప్రేమను పంచుతారు. మీరు ఎప్పుడూ ఆనందంగా ఆరోగ్యంగా ఉండాలని, మీరు అనుకున్న విధంగా జీవించాలని ఈ బ్యూటిఫుల్ డే నాడు ఆ దేవుడిని ప్రార్థిస్తున్నాను. సీ యూ సూన్ అండి - హీరోయిన్ కీర్తి సురేష్

కీర్తి సురేష్ ఈ సందర్భంగా ట్విట్టర్ లో మహేష్ తో ఉన్న ఓ ఫోటోని షేర్ చేస్తూ.. 'నమ్రత మేడమ్.. సార్ పడుకునే ముందు ప్రతి రోజూ దిష్టి తీయడం మర్చిపోకండి' అని ట్వీట్ చేశారు.

ఇకపోతే ట్విట్టర్ స్పేస్ ద్వారా తనకు విషెస్ అందించిన ప్రతి ఒక్కరికీ మహేష్ బాబు ధన్యవాదాలు తెలిపారు. తన మీద పరిమితులు లేని ప్రేమను చూపించిన అందరికీ బిగ్ థాంక్స్ అని మహేష్ అన్నారు.