శోభ‌న్ బాబు రింగు తిప్పిన భీష్మ‌.. ఏంటి క‌థ‌!

యూత్ స్టార్ నితిన్ క‌థానాయ‌కుడిగా న‌టిస్తున్న తాజా సినిమా భీష్మ‌. ర‌ష్మిక మంద‌న క‌థానాయిక‌. వెంకీ కుడుముల ద‌ర్శ‌కుడు. సితార ఎంట‌ర్ టైన్ మెంట్స్ సంస్థ నిర్మిస్తోంది. మ‌హ‌తి స్వ‌ర సాగ‌ర్ ఈ చిత్రానికి సంగీతం అందించారు. ఈనెల 21న సినిమా ప్ర‌పంచ‌వ్యాప్తంగా థియేట‌ర్ల‌లోకి రిలీజ‌వుతోంది. ఈ సంద‌ర్భంగా పోస్ట‌ర్ ప్ర‌చారం.. లిరిక‌ల్ ప్ర‌చారం వేడెక్కిస్తున్న‌ సంగ‌తి తెలిసిందే.

ఇదివ‌ర‌కూ రిలీజ్ చేసిన‌ వ్వాటే బ్యూటీ లిరిక‌ల్ వీడియో అభిమానుల్లోకి దూసుకెళ్లింది. నితిన్ - ర‌ష్మిక జోడీ రొమాన్స్ యూత్ కి ఓ రేంజులోనే క‌నెక్ట‌య్యింది. మ‌హ‌తి సాగ‌ర్ బాణీల‌కు ప్ర‌శంస‌లు ద‌క్కాయి. ఇక భీష్మలో ప్ర‌తి పాటా దేనిక‌దే వైవిధ్యం అన్నంత‌గానే తీర్చిదిద్దార‌ని అర్థ‌మ‌వుతోంది. ఈ శుక్ర‌వారం సింగిల్ ఆంథెమ్ సాంగ్ ని లాంచ్ చేయ‌నున్నారు. ఇక ఈ పాట‌లో నితిన్ కొత్త లుక్ పోస్ట‌ర్ ని టీమ్ రిలీజ్ చేసింది.

పోస్ట‌ర్ లో నితిన్ శోభ‌న్ బాబు గెట‌ప్ ఫ్యాన్స్ కి కిక్కిచ్చింద‌నే చెప్పాలి. ఆ నుదుటిపై రింగు తిప్పి .. గిటార్ ప్లే చేస్తూ నితిన్ రెట్రో లుక్ తో క‌నిపించాడు. ఆ బ్యాగీ ఫ్యాంటు.. ప‌చ్చ చొక్కా.. పింక్ క‌ళ్ల‌ద్దం కుర్రాడిలో జోష్.. మైమ‌రిపించాయి. భీష్మ‌లో ఈ సాంగ్ సంథింగ్ స్పెష‌ల్ అనే అర్థ‌మ‌వుతోంది. సాంగ్ ఆద్యంతం క‌ల‌ర్ ఫుల్ గా రంజింప‌జేయ‌బోతోంద‌ని ఈ పోస్ట‌ర్ చెబుతోంది. ఇప్ప‌టికే పాట‌ల‌కు స్పంద‌న బావుంది. ఆ క్ర‌మంలోనే సింగిల్ ఆంథెమ్ కోసం ఫ్యాన్స్ ఎంతో ఆస‌క్తిగా వేచి చూస్తున్నారు.