యంగ్ హీరో కోసం నిర్మాతగా మారనున్న రానా

ఇటీవలే ఓ యాక్సిడెంట్ వివాదంతో మీడియాలో హాట్ టాపిక్ అయిన రాజ్ తరుణ్ ప్రస్తుతం తన సినిమా షూటింగ్ తో బిజీ అయ్యాడు. దిల్ రాజు నిర్మాణంలో జీ.ఆర్. కృష్ణ డైరెక్షన్ లో 'ఇద్దరి లోకం ఒకటే' చేస్తున్న రాజ్ తరుణ్ నెక్స్ట్ విజయ్ కుమార్ కొండాతో ఓ సినిమా చేయనున్నాడు. ఈ రెండు కాకుండా నెక్స్ట్ సినిమాలను కూడా సెట్ చేసుకునే పనిలో ఉన్నాడు. 'లవర్' సినిమా తరువాత గ్యాప్ తీసుకున్న రాజ్ తరుణ్ ప్రస్తుతం ఎలాంటి గ్యాప్ లేకుండా వరుస సినిమాలతో ఎంటర్టైన్ చేయాలని చూస్తున్నాడు.

అన్నీ అనుకున్నట్లే జరిగితే త్వరలోనే రానా నిర్మాణంలో రాజ్ తరుణ్ ఓ కాన్సెప్ట్ బేస్డ్ సినిమా చేయనున్నాడని తెలుస్తుంది. ఇప్పటికే రాజ్ తరుణ్ కోసం కథ రెడీగా ఉందట. కాన్సెప్ట్ నచ్చడంతో రానా స్వయంగా ఈ సినిమాను నిర్మించడానికి రెడీ అవుతున్నాడట. గతేడాది వచ్చిన కేరాఫ్ కాంచరపాలెం సినిమాకు సమర్పకుడిగా వ్యవహరించిన రానా ఈ సినిమాతో పూర్తి నిర్మాతగా మరనున్నాడని సమాచారం. అయితే ఈ సినిమాకు దర్శకుడెవరన్నది తెలియాల్సి ఉంది

ఇక అన్నపూర్ణ స్టూడియోస్ లో కూడా రాజ్ తరుణ్ సినిమా చేస్తాడని అంటున్నారు. అలాగే మారుతి నిర్మాణంలో ఓ సినిమా ఫిక్సయిందని టాక్. ఇలా వరుసగా సినిమాలు ఫైనల్ చేసుకుంటూ ఒకదాని తర్వాత ఒకటి సెట్స్ పైకి తీసుకొచ్చే పనిలో ఉన్నాడు యంగ్ హీరో. మరి బ్యాక్ టు బ్యాక్ సినిమాలతో సూపర్ హిట్స్ అందుకుంటాడా చూడాలి.