బబ్లీ బ్యూటీ అస్సలు ఖాళీగా లేదు..!

టాలీవుడ్ స్టార్ హీరోల సరసన నటిస్తూ మంచి గుర్తింపు తెచ్చుకుంది బబ్లీ బ్యూటీ రాశీఖన్నా. హిందీ సినిమాతో సినీ ఇండస్ట్రీలో అడుగుపెట్టి.. ఇప్పుడు తెలుగు తమిళ మలయాళ భాషల్లో సత్తా చాటుతోంది. ప్రస్తుతం వరుస ఆఫర్లతో ఫుల్ బిజీగా ఉన్న హీరోయిన్ ఎవరైనా ఉన్నారంటే అది రాశీ పాపనే. ప్రస్తుతం ఈ బ్యూటీ చేతిలో అన్ని భాషలు కలుపుకుని ఎనిమిది సినిమాల దాకా ఉన్నాయి. ఈ క్రమంలో ఇప్పుడు వెబ్ వరల్డ్ లో ఎంట్రీ ఇచ్చిన ఈ భామ.. అప్పుడే రెండు వెబ్ సిరీస్ లలో నటించే అవకాశం దక్కించుకుంది.

'ఫ్యామిలీ మ్యాన్' సృష్టికర్తలు దర్శకద్వయం రాజ్ & డీకే రూపొందిస్తున్న ఓ వెబ్ సిరీస్ లో రాశీఖన్నా కీలక పాత్ర పోషిస్తోంది. ఇందులో బాలీవుడ్ స్టార్ హీరో షాహిద్ కపూర్ మేల్ లీడ్ రోల్ చేస్తున్నారు. అమెజాన్ ప్రైమ్ వీడియో ఈ సిరీస్ ని నిర్మిస్తోంది. ఈ క్రమంలో 'రుద్ర: ది ఎడ్జ్‌ ఆఫ్‌ డార్క్‌ నెస్‌' అనే క్రైమ్‌ థ్రిల్లర్‌ వెబ్ సిరీస్ లో రాశీ ఛాన్స్ దక్కించుకున్నట్లు తెలుస్తోంది. బాలీవుడ్ స్టార్ అజయ్‌ దేవగణ్‌ ప్రధాన పాత్రలో ఈ సిరీస్ తెరకెక్కుతోంది. ఇందులో రాశీ ఓ సైకో కిల్లర్ పాత్ర చేస్తోందని టాక్.

రాజేష్‌ మపుస్కర్‌ 'రుద్ర' సిరీస్ కు దర్శకత్వం వహిస్తున్నారు. అప్లాజ్ ఎంటర్‌టైన్‌మెంట్‌‌ - బీబీసీ స్టూడియోస్‌ సంస్థలు కలిసి ఈ క్రైమ్ థ్రిల్లర్ ని నిర్మిస్తున్నాయి. ఇందులో అజయ్‌ దేవగన్ పవర్‌ ఫుల్‌ పోలీస్‌ ఆఫీసర్ గా కనిపించనున్నారు. రాశీ పాత్ర సైకో కిల్లర్ అయినప్పటికీ.. విభిన్న కోణాల్లో సాగుతుందని తెలుస్తోంది. 'లూథర్‌' అనే బ్రిటీష్‌ వెబ్‌ సిరీస్‌ ఆధారంగా 'రుద్ర' రూపొందుతోంది. డిస్నీ+ హాట్‌ స్టార్‌ ఓటీటీ వేదికగా ఈ సిరీస్ విడుదల కానుంది.

కాగా, రాశీ ఖన్నా ప్రస్తుతం తెలుగులో నాగచైతన్య - విక్రమ్ కె. కుమార్ కాంబినేషన్ వస్తున్న 'థాంక్యూ' చిత్రంలో హీరోయిన్ గా నటిస్తోంది. అలానే గోపీచంద్ - మారుతి కలసి చేస్తున్న 'పక్కా కమర్షియల్' సినిమా చేస్తోంది. తమిళ్ లో 'అర్ణమనై 3' 'తుగ్లక్ దర్బార్' 'సర్దార్' 'మేధావి' 'సైతాన్ కా బచ్చా' సినిమాల్లో నటిస్తోంది రాశీ. ఇదే క్రమంలో 'భ్రమమ్' అనే మలయాళ సినిమా చేస్తున్నారు. ఒకప్పుడు బొద్దుగా ఉండే ఈ బ్యూటీ.. ఇప్పుడు నాజూగ్గా మారిపోయి వరుస అవకాశాలతో బిజీగా గడుపుతోంది.