బయోపిక్‌ పుకార్లతో నాకేం సంబంధం లేదు

టీం ఇండియా కు చెందిన పలువురు క్రికెటర్‌ లకు సంబంధించిన బయోపిక్స్ ఇప్పటికే ప్రేక్షకుల ముందుకు వచ్చాయి. వాటిల్లో పలు సక్సెస్‌ అయ్యాయి. కేవలం క్రికెటర్‌ ల బయోపిక్‌ లు మాత్రమే కాకుండా పలు భాషలకు చెందిన ప్రముఖుల బయోపిక్‌ లు కూడా వచ్చి మెప్పించాయి. ఇక బయోపిక్‌ లకు సంబంధించిన సందడి వాతావరణం కంటిన్యూ అవుతూనే ఉంది. ప్రస్తుతం కొన్ని బయోపిక్ లు చర్చల దశలో ఉంటే మరి కొన్ని మాత్రం విడుదలకు సిద్దంగా ఉన్నాయి. ఈ సమయంలోనే టీమ్‌ ఇండియా క్రికెటర్‌ అశ్విన్‌ బయోపిక్‌ వార్తలు వస్తున్నాయి.

తమిళ మీడియాలో టీమ్‌ ఇండియా స్టార్‌ క్రికెటర్‌ అశ్విన్‌ బయోపిక్ కు ఏర్పాట్లు జరుగుతున్నాయి.. అందుకు సంబంధించిన వర్క్‌ జరుగుతున్నట్లుగా పేర్కొన్నారు. అశ్విన్‌ పాత్రను తమిళ స్టార్‌ అశోక్‌ సెల్వన్‌ పోషించబోతున్నట్లుగా కూడా ప్రచారం జరిగింది. తమిళ మీడియాలో వస్తున్న ఆ వార్తలపై మొదట అశోక్‌ సెల్వన్‌ స్పందించాడు. మీడియాలో వస్తున్న పుకార్లకు తనకు సంబంధం లేదు అన్నట్లుగా కామెంట్స్‌ పెట్టి అశ్విన్‌ ను ట్విట్టర్ లో ట్యాగ్ చేశాడు.

అశోక్‌ ట్వీట్‌ కు స్పందించిన అశ్విన్‌.. మొదట సీఎస్‌కే పార్ట్‌ స్క్రిప్ట్‌ సరి చేసి ఆ తర్వాత మన కలయిక గురంచి చర్చిద్దాం. అంతా ఒప్పుకున్న తర్వాత అప్పుడు మనం ఇద్దరం స్టెప్‌ వేద్దాం బ్రదర్‌ అంటూ ట్వీట్‌ చేశాడు. అశ్విన్‌ చాలా సమయస్ఫూర్తితో ఈ వ్యవహారంలో స్పందించాడు. బయోపిక్‌ చేయడం లేదు అని చెప్పకుండా ఇప్పుడు చేయడం లేదు అంటూ క్లారిటీ ఇచ్చేశాడు.