లాక్ డౌన్ వేళ.. క్లాసికల్ నృత్య కళ..అబ్బో అదరగొట్లా!

ఇండస్ట్రీలో కొంతమంది హీరోయిన్లు డాన్స్‌లో అంతగా పట్టు సాధించలేరు. షూటింగ్ లో కొరియోగ్రాఫర్ చెప్పింది చెప్పినట్టు ప్రయత్నం చేయక తప్పదు. అలాంటి వారికి డాన్స్ ఇరగదీసే హీరోలతో డాన్స్ చెయ్యడమంటే చాలా కష్టంతో కూడుకున్న పని. ఎవరి సంగతి ఎలా ఉన్నా.. యంగ్ హీరోయిన్ సాయేషా సైగల్ విషయంలో మాత్రం అలాంటి ఇబ్బంది లేదని చెప్పవచ్చు. ఆమె ఇప్పటివరకు చాలామంది హీరోల సరసన నటించింది. యంగ్ హీరోలు సాయేషాతో నటించేందుకు ఆసక్తి కనబరుస్తున్నారంటే అర్థం చేసుకోవచ్చు. ఆమెతో నటించాలని అనుకోవడం బాగానే ఉంది కానీ ఆమెతో పాటు డాన్స్ చేయాలంటే మాత్రం కంగారు పడిపోతున్నారట హీరోలు.

ఎందుకంటే.. సాయేషా స్వతహాగా క్లాసికల్ డాన్సర్. కథక్ - ఒడిస్సీ - లాటిన్ - అమెరికన్.. చాలా రకాల డాన్సుల్లో శిక్షణ తీసుకుందట. డాన్సర్‌ గా మంచి పేరు తెచ్చుకోవాలనుకుంటే.. అనుకోకుండా హీరోయిన్ అయ్యిందట ఈ బ్యూటీ. ఇక లాక్‌ డౌన్‌ తో ఇంటికే పరిమితం అయిన హీరోయిన్‌ సాయేషా సైగల్‌ సోషల్‌ మీడియా లో యాక్టివ్‌ గా ఉంటుందనే సంగతి తెలిసిందే. తాజాగా ఓ పాటకు క్లాసికల్‌ డ్యాన్స్‌ చేస్తున్న వీడియోను ఆమె ట్విటర్‌ లో పోస్ట్‌ చేసింది. ప్రస్తుతం ఆ వీడియో నెట్టింట వైరల్‌ గా మారింది. వీడియో చూసిన వారంతా సాయేషా డ్యాన్స్‌ అద్భుతంగా ఉందంటూ ప్రశంసల వర్షం కురిపిస్తున్నారు. సాయేషా తమిళ హీరో ఆర్యను పెళ్లి చేసుకొని హ్యాపీ లైఫ్ లీడ్ చేస్తుంది. పెళ్లి అయినప్పటి నుండి ఈ భామ సినిమాలలో తక్కువగా కనిపిస్తుంది. ఇక సాయేషా గతంలో కూడా తన డ్యాన్స్‌ వీడియోలను సోషల్‌ మీడియాలో పోస్ట్‌ చేసి అలరించింది.