పాట తీవ్ర విమర్శలు ఎదుర్కొంటున్న విషయం గుర్తించిన బాలయ్య!

బాలకృష్ణ తన షష్టిపూర్తి సందర్బంగా అభిమానులకు కానుకగా శివ శంకరీ పాటను పాడిన విషయం తెల్సిందే. చాలా విషిష్టత ఉన్న ఆ పాటను బాలయ్య పాడటంపై సర్వత్రా విమర్శలు వ్యక్తం అవుతున్నాయి. బాలయ్య యాంటీ ఫ్యాన్స్‌ ఓ రేంజ్‌ లో ట్రోల్స్‌ చేస్తున్నారు. కనీసం బాలకృష్ణ అభిమానులు కూడా ఈ పాటను బాగుందనడం లేదు. మంచి ప్రయత్నం అంటూ కామెంట్స్‌ చేస్తున్నారు తప్ప బాలయ్యను అభినందించడం లేదు. మొత్తంగా ఈ పాట తీవ్ర విమర్శలు ఎదుర్కొంటున్న విషయం గుర్తించిన బాలయ్య స్పందించాడు. అసలు తాను ఎందుకు ఆ పాట పాడాల్సి వచ్చిందనే విషయాన్ని గురించి క్లారిటీ ఇచ్చాడు.

హీరోలు చాలా మంది కాఫీ గురించి.. టీ గురించి.. మందు గురించి పాటలు పాడుతున్నారు. నేను కాస్త విభిన్నంగా ఉండాలనే ఉద్దేశ్యంతో ఒక మంచి పాట పాడాలని ఛాలెంజింగ్‌ గా తీసుకుని ఈపాటను పాడాను. ఈ పాట పాడటం అనేది చాలా సాహస నిర్ణయం అని నాకు తెలుసు. ధైర్య సాహసాలు ఉంటేనే ఈ పాటను పాడగలం నందమూరి ఫ్యామిలీకి ధైర్య సాహసాలు ఎక్కువే. అందుకే ఈ పాట పాడేందుకు నేను సిద్దం అయ్యాను అంటూ బాలకృష్ణ చెప్పుకొచ్చాడు.

గతంలోనే బాలకృష్ణ పాడిన ఒక పాట విమర్శల పాలయ్యింది. ఆ విషయంలో ఈసారి అయినా గ్రేట్‌ బాలయ్య అనిపించుకోవాలనుకున్నాడో ఏమో కాని ఈ పాటను పాడి మళ్లీ విమర్శల పాలయ్యాడు. మంచి పాటను పాడి తన ప్రతిభను నిరూపించుకోవాలనే ఉద్దేశ్యంతో శివ శంకరి పాటను పాడాను అంటూ చెప్పిన బాలకృష్ణ ఆధరిస్తున్న ప్రతి ఒక్కరికి కృతజ్ఞతలు అంటూ వ్యాఖ్యలు చేయడం జరిగింది. పాటకు ఇంతగా విమర్శలు వస్తున్నా కూడా ఆశ్చర్యకరంగా ఆధరిస్తున్న వారికి కృతజ్ఞతలు అనడం మళ్లీ చర్చనీయాంశం అయ్యింది. మొత్తానికి బాలయ్య ను మళ్లీ నెట్టింట ట్రెండ్‌ అయ్యేలా చేసింది శివశంకరి పాట.