హీరో సుధీర్ బాబు ఆ హీరోయిన్ ను వదల్లేదన్నమాట

ఎలాగైనా ఈ హీరోయిన్ తో ఒక్కసారైనా చేయాలని హీరో సుధీర్ బాబు అనుకున్నాడు. నాడు 'ప్రేమకథా చిత్రమ్' మూవీలోనే ఆమెను అనుకున్నాడు. కానీ వర్కవుట్ కాలేదు. ఇప్పుడు 'శ్రీదేవి సోడాసెంటర్'తో సుధీర్ బాబు ముచ్చట తీరింది.

'జాంబిరెడ్డి' మూవీతో తెలుగులో హీరోయిన్ గా ఎంట్రీ ఇచ్చింది తెలుగమ్మాయి ఆనంది. అయితే ఈమెకు అంతకుముందే సుధీర్ బాబు చిత్రం 'ప్రేమకథా చిత్రమ్'లో హీరోయిన్ గా అవకాశం ఇచ్చారు. చివరి నిమిషంలో ఈమెను కాదని నందితను తీసుకున్నారు.

అయితే ఇదే ప్రేమకథా చిత్రమ్ తమిళ్ రిమేక్ లో మాత్రం ఇదే ఆనంది నటించడం విశేషం. అలా సుధీర్ బాబు చిత్రంలో నటించే అవకాశం మిస్ అయిన ఆనందికి తాజాగా సుధీర్ బాబు తాజా చిత్రం 'శ్రీదేవి సోడాసెంటర్'లో అవకాశం వెతుక్కుంటూ వచ్చింది. ఈ తెలుగమ్మాయిని ఎలాగైనా ఈసారి తీసుకోవాలని సుధీర్ బాబు పట్టుబట్టి మరీ ఎంపిక చేశాడట..

తెలుగమ్మాయి కావడం.. సినిమా ఏపీ కోస్తా జిల్లాల్లో ప్రేమకథా కావడం చాలా హెల్ప్ అయ్యిందని సుధీర్ బాబు చెబుతున్నాడు. మొత్తానికి సుధీర్ బాబు చిత్రంలో లేట్ అయినా కూడా ఈ హీరోయిన్ అవకాశం దక్కించుకోవడం విశేషమనే చెప్పొచ్చు.