పిక్ టాక్ : 15వ వార్షికోత్సవ సంబరం

నాని హీరోగా నటించిన మొదటి సినిమా అష్టా చమ్మా విడుదల అయి 15 ఏళ్లు పూర్తి అయింది. సహాయ దర్శకుడిగా కెరీర్ ను కొనసాగిస్తున్న నానిని హీరోగా చేయాలని దర్శకుడు మోహన కృష్ణ ఇంద్రగంటి కి ఎందుకు అనిపించిందో కానీ తెలుగు ప్రేక్షకులకు నాచురల్ స్టార్ ను అందించాడు. నాని ఇండస్ట్రీలో అడుగు పెట్టి 15 ఏళ్లు పూర్తయిన సందర్భంగా పార్టీ ఏర్పాటు చేశారు.

బ్లాక్ బస్టర్ మూవీ అష్టా చమ్మా సినిమా రీ యూనియన్ కార్యక్రమం జరిగింది. చాలా సంవత్సరాల తర్వాత హీరో హీరోయిన్‌ తో పాటు ఇతర యూనిట్‌ సభ్యులు, నటీనటులు కలిశారు. ఈ కార్యక్రమంలో నాని, స్వాతి, మోహన కృష్ణ ఇంద్రగంటి, అవసరాల శ్రీనివాస్‌, సంగీత దర్శకుడు కళ్యాణి మాలిక్ పాల్గొన్నారు.

15వ వార్షికోత్సవం కు సంబంధించిన ఫోటోలు వైరల్‌ అవుతున్నాయి. ఈ ఫోటోను షేర్ చేసి నెటిజన్స్ కు మరోసారి అష్టాచమ్మా జ్ఞాపకాలను గుర్తు చేశారు. ఈ సినిమాకు మహేష్ బాబు ఫ్యాన్స్‌ బాగా కనెక్ట్‌ అయ్యారు. అందుకే అప్పట్లో ఈ సినిమా ను మహేష్ ఫ్యాన్స్ తెగ చూశారు. ఇప్పుడు కూడా సినిమాకు బుల్లి తెర ద్వారా టెలికాస్ట్‌ అయిన సమయంలో మంచి స్పందన వస్తూనే ఉంది.

ఈ సినిమాలో భార్గవి, తనికెళ్ల, ఝాన్సీ, భరణి ముఖ్య పాత్రల్లో కనిపించారు. ఇద్దరు విభిన్న వ్యక్తులకు సంబంధించిన కథను చాలా ఆసక్తికరంగా దర్శకుడు చూపించిన తీరు అప్పట్లో అందరి దృష్టిని ఆకర్షించింది. పాజిటివ్ రివ్యూలు రావడంతో పాటు, భారీ వసూళ్లు నమోదు అయ్యాయి. ఆ సినిమా తో నాని కెరీర్ ఫుల్ టర్న్ తీసుకుని స్టార్‌ గా ఎదిగాడు.