KGF స్టార్ అయినా.. కూతురి ప్రేమకు బానిసే..

కన్నడ స్టార్ హీరో యష్ తెలియని వారు ఉండరు. కేజీఎఫ్ సినిమాతో ఆయన పాన్ ఇండియా స్టార్ గా మారిపోయారు. దేశ వ్యాప్తంగా ఫ్యాన్స్ ని సంపాదించుకున్నాడు. కేజీఎఫ్ 1, కేజీఎఫ్ 2 రెండు సినిమాలు బాక్సాఫీసు వద్ద కాసుల వర్షం కురిపించాయి. ఈ సినిమాల తర్వాత యష్ ని అందరూ తన సొంత పేరు కంటే రాఖీ భాయ్ గానే గుర్తించుకున్నారు. ఎక్కడ కనిపించినా అలానే పిలుస్తారు.

కాగా, యష్ ఈ మూవీకి మందు చాలా సినిమాలు చేశాడు. కానీ, ఈ సినిమాతోనే ఎక్కువ మందికి చేరువయ్యాడు. ఆయన ఎంత పాన్ ఇండియా స్టార్ గా మారినా, ఫ్యామిలీకి మాత్రం ఎక్కువ విలువ ఇస్తాడు. ఆయన సినిమాల్లోకి వచ్చిన కొంతకాలానికే హీరోయిన్ రాధిక పండిట్ ని ప్రేమించి పెళ్లి చేసుకున్నారు.

ఈ దంపతులు వివాహం చేసుకొని దాదాపు ఎనిమిదేళ్లకు పైగానే అవుతోంది. ఈ జంటకు ఇద్దరు సంతానం కూడా ఉన్నారు. ఒక బాబు, ఒక పాప. కాగా, అప్పుడుప్పుడు యష్, రాధికలు తమ ఫోటోలతో పాటు తమ పిల్లల ఫోటోలు కూడా షేర్ చేస్తూ ఉంటారు. తాజాగా కూడా ఓ ఫోటో షేర్ చేయగా, ఫ్యాన్స్ ని విపరీతంగా ఆకట్టుకుంటోంది.

ఆ ఫోటోలో యష్ తన ఫ్యామిలీతో కలిసి బీచ్ వ్యూని ఆస్వాదిస్తున్నారు. సముద్రం అలలతో ఎగసిపడుతుంటే, భార్య రాధిక, కూతురితో కలిసి ఇసుకలో కూర్చున్నారు. అయితే, తన కూతురిని భుజాలపై కూర్చొపెట్టుకొని మురిసిపోతున్నారు. పాప తండ్రి భుజాలపై కూర్చొని తల్లితో ఆటలాడుతుండటం విశేషం. ఈ ఫోటోకి ఫ్యాన్స్ ఫిదా అయిపోతున్నారు.

ఎంత పెద్ద స్టార్ హీరో అయినా,కూతురి ప్రేమకు బానిసే అంటూ ఫ్యాన్స్ కామెంట్స్ చేస్తున్నారు. ఇక, ఆ ఫోటోలో యష్ ఫేస్ కనిపించడం లేదు. కానీ, జుట్టు ఎక్కువగా పెంచినట్లు తెలుస్తోంది. సలార్ మూవీలో ఆయన ఓ క్యామియో రోల్ ప్లే చేస్తున్నాడని తెలుస్తోంది. దాని కోసం ఆ హెయిర్ స్టైల్ అని సమాచారం. ఇక, రాఖీ భాయ్ కేజీఎఫ్ తర్వాత ఎలాంటి సినిమాతో వస్తాడా అని ఫ్యాన్స్ వెయిట్ చేస్తున్నారు.