ఫోటో స్టోరి: ప‌దునైన క‌త్తి క‌వ్విస్తున్న‌ట్టుగా ఉంది!

#MeeToo ఉద్య‌మం భార‌త‌దేశంలో ప్రారంభ‌ రోజుల్లో తొలిగా త‌నూశ్రీ ద‌త్తా - పాయ‌ల్ ఘోష్ పేర్లు ప్ర‌ముఖంగా వినిపించాయి. ముఖ్యంగా పాయల్ ఘోష్ త‌న‌ను ప్ర‌ముఖ ద‌ర్శ‌క‌నిర్మాత‌ అనురాగ్ క‌శ్య‌ప్ లైంగికంగా వేధించాడ‌ని ఆరోపించింది. దీనిపై విచార‌ణ కూడా సాగింది. పాయ‌ల్ అప్ప‌టికే తెలుగు సినీప‌రిశ్ర‌మ‌లో ఎన్టీఆర్ స‌ర‌స‌న ఓ చిత్రంలో న‌టించింది. దీంతో అన్ని ప‌రిశ్ర‌మ‌ల్లోను మీటూ గురించి చ‌ర్చ సాగింది.

పాయల్ ఘోష్ చాలా ధైర్యంగా అనురాగ్ పై ఆరోప‌ణ‌లు చేసింది. అప్ప‌టి నుంచి Instagram - X ఖాతాల్లో చాలా విషయాలపై తన అభిప్రాయాలను తెలియజేస్తూనే ఉంది. అయితే పాయ‌ల్ ఇటీవల బాలీవుడ్ ని దూషించ‌డం హాట్ టాపిగ్గా మారింది. పాయల్ ఘోష్ ఒక రహస్య ట్వీట్ లో సౌత్ ఫిల్మ్ ఇండస్ట్రీలో తాను లాంచ్ అయినందుకు కృతజ్ఞతలు తెలుపుతున్నానని, ఒక‌వేళ‌ బాలీవుడ్ లో అరంగేట్రం చేసి ఉంటే తనను తాను నిరూపించుకునేందుకు బట్టలు తీసివేయవలసి ఉండేద‌ని వ్యాఖ్యానించింది. ఈ ట్వీట్ ఉద్ధేశం.. బాలీవుడ్ సృజనాత్మకతతో పోలిస్తే స్త్రీ శరీరాలను ఎక్కువగా ఉపయోగిస్తుందని అర్థం చేసుకోవాలి. కొన్ని రోజుల క్రితం ఓ చాటింగ్ సెష‌న్ లో సినిమాల్లో అవ‌కాశాలు పొందడానికి అమ్మాయిలు సినీప్ర‌ముఖుల‌తో బెడ్ షేర్ చేసుకోవాల‌ని కూడా పాయ‌ల్ వ్యాఖ్యానించారు. ప్రస్తుతం తాను 11వ సినిమాలో న‌టిస్తున్నాన‌ని, ఎవరితోనైనా క‌మిటై ఉంటే తన 30వ సినిమాలో నటించేదానిని అని షాకింగ్ స్టేట్‌మెంట్ ఇచ్చారు. పెద్ద సినిమాల్లో అవ‌కాశాలు రావాలంటే క‌మిట్ మెంట్ ఇవ్వాలి.. అని కూడా కామెంట్ చేసారు. పాయ‌ల్ ప్ర‌స్తుతం సోష‌ల్ మీడియాల్లో వ‌రుస ఫోటోషూట్ల‌తో విరుచుకుప‌డుతోంది. అదే కోవ‌లో తాజా ఫోటోషూట్ సంథింగ్ స్పెష‌ల్ గా ఆక‌ట్టుకుంటోంది. డిజైన‌ర్ లెహంగాలో పాయ‌ల్ టూ హాట్ గా క‌నిపిస్తోంది. ప్ర‌స్తుతం ఈ ఫోటోలు అంత‌ర్జాలంలో వైర‌ల్ గా మారాయి.

ఇక బాలీవుడ్ లో కాస్టింగ్ కౌచ్- లైంగిక వేధింపుల ఆరోపణలు కొత్తేమీ కాదు. బాధితుల్లో చాలా మంది మమ్మీని ఆన్ లొకేష‌న్ కి తీసుకెళ్ల‌డానికి ప్రయత్నిస్తారు. హిందీ చలనచిత్ర పరిశ్రమలలోని చాలా మంది నటీమణులు కొంతయినా విజయాన్ని సాధించిన తర్వాత మాత్రమే తమ అనుభవాలను బ‌హిరంగంగా వెల్లడిస్తారు. అయితే వారు తమ కెరీర్‌లో పెద్ద విజయాలు సాధించాలని కోరుకుంటున్నందున ఆరంభ రోజుల్లో ఎలాంటి నిజం బయటకు రాదు.

ఆత్మ‌హ‌త్యా య‌త్నం?

పాయల్ ఘోష్ ఇంతకుముందు ఆత్మహత్యపైనా సోష‌ల్ మీడియాల్లో షేర్ చేసిన ఒక ఫోటో వైర‌ల్ అయింది. ఆత్మ‌హ‌త్య‌కు ముందు ఆమె రాసి షేర్ చేసిన సూసైడ్ నోట్ లాగా ఉంది. గుండెపోటుతో లేదా ఆత్మహత్యతో చనిపోతే, త‌న‌ మరణానికి కారణమయ్యే వ్యక్తులు.. దానిని సినిమా క్లిఫ్‌హ్యాంగర్‌గా వదిలివేస్తారని ఆ నోట్‌లో రాసింది. దీంతో అభిమానులు కొంత ఆందోళ‌న‌కు గుర‌య్యారు.

కెరీర్ మ్యాట‌ర్ కి వ‌స్తే.. పాయల్ ఘోష్ ఇంత‌కుముందు ఎన్టీఆర్ స‌ర‌స‌న `ఊసరవెల్లి` చిత్రంలో న‌టించారు. ప్రయాణం, పటేల్ కి పంజాబీ షాదీ స‌హా ప‌లు చిత్రాల్లో న‌టించారు. హిందీ, ఇంగ్లీషు, తెలుగు, కన్నడ భాష‌ల్లో పాయ‌ల్ న‌టించారు.