బికినీలో వెన‌క్కి తిరిగి చూసుకునే ప‌నే లేదు!

పెళ్లి త‌ర్వాత హ‌న్సిక లైఫ్ స్టైల్ అమాంతం మారిపోయింది. దుబాయ్ బిజినెస్ మేన్ తో పెళ్లి ఈ అమ్మడి జీవితంలోకి కొత్త క‌ళ‌ను తెచ్చింద‌న‌డంలో సందేహం లేదు. ఇటీవల భ‌ర్త‌తో క‌లిసి నిరంత‌రం విదేశీ విహారాల్లో త‌ల‌మునక‌లుగా క‌నిపిస్తోంది. ప్ర‌స్తుతం లేటెస్ట్ వెకేష‌న్ నుంచి ఫోటోల‌ను షేర్ చేస్తూ అభిమానుల‌ను టీజ్ చేస్తోంది. హ‌న్సిక ప్రస్తుత నివాస న‌గ‌ర‌మైన‌ దుబాయ్ ఎంత రిచ్ గా ఉంటుందో... లైఫ్ ఎంత వినోద‌భరితంగా ఉంటుందో త‌ను లీక్ చేస్తున్న ఫోటోలు చెబుతున్నాయి. కుటుంబం, భర్త, తల్లిదండ్రులతో కలిసి హ‌న్సిక ప్ర‌స్తుతం సెల‌బ్రేష‌న్ మోడ్ లో కనిపించింది.

పూల్ సైడ్ ఆపిల్ బ్యూటీ చిలౌట్ వాతావ‌ర‌ణాన్ని ఒక్క‌సారిగా మ‌రిగించింది. ఈ బ్యూటీ గంభీర‌మైన చీటా నమూనా ప్రింట్ హాల్టర్ టాప్ బికినీని ధరించి బ్యాక్ లెస్ లుక్ తో గుబులు పెంచింది. ప్ర‌స్తుతం ఈ హాట్ ఫోటోషూట్ అంత‌ర్జాలాన్ని షేక్ చేస్తోంది. దుబాయ్ విలాసాల్లో రాణీ విలాసాన్ని ఆస్వాధిస్తున్న హ‌న్సిక మునుముందు సినిమా వ్యాపారంలోను రాణించాల‌ని ఆశ‌ప‌డుతోంద‌ట‌. భ‌ర్త సోహెయిల్ ఖ‌తురియా సినిమా వ్యాపారంలోను పెట్టుబ‌డులు పెడ‌తార‌ని గుస‌గుస‌లు వినిపిస్తున్నాయి.

హ‌న్సిక ప్ర‌స్తుతం సినిమాల‌కు దూరంగా సంసార స‌రిగ‌మ‌ల్ని ఆస్వాధిస్తున్నా త‌న ఆలోచ‌న‌ల‌న్నీ ఇటువైపే ఉన్నాయ‌ని కూడా చెబుతున్నారు. ఇక అనుష్క శ‌ర్మ‌- దీపిక ప‌దుకొనే త‌ర‌హాలో తాను కూడా నిర్మాత‌గా మారాల‌నే ఆలోచ‌న‌లు ఉన్నాయి.. కానీ అవ‌న్నీ ప్రాథమిక ద‌శ‌లో ఉన్నాయి. సౌత్ నార్త్ లో త‌న స‌న్నిహితుల ద్వారా వ్యాపార మార్గాల‌ను అన్వేషించాల‌ని హ‌న్సిక ప్లాన్ చేస్తోంద‌ని టాక్ వినిపిస్తోంది.