ప్యాక్ లుక్: అందుకే అత‌డు ఎప్ప‌టికీ ఏకైక‌ గ్రీక్ గాడ్

హృతిక్ రోషన్ ఇంటర్నెట్‌ను మ‌రిగిస్తున్నాడు. తన అభిమానులచే ``బాలీవుడ్ గ్రీక్ గాడ్`` అని పిలుపందుకున్న ట్యాలెంటెడ్ స్టార్ ఇన్‌స్టాలో మోనోక్రోమ్ షర్ట్‌లెస్ ఫోటోను షేర్ చేసాడు. 6ప్యాక్, 8ప్యాక్ లో ఉన్న ఫోటోల‌ను షేర్ చేయ‌డం ఇదే మొద‌టి సారి కాదు కానీ.. ఈసారి ఫోటోకు స్పంద‌న అనూహ్యం. హృతిక్ తన శరీరాకృతిని ఎలివేట్ చేసే ఫోటోని షేర్ చేసి ``ముగింపు రేఖ(లైన్‌)ను చూడలేకపోతున్నాను`` అని రాశాడు. ఈ ఫోటో సోషల్ మీడియాలో ఇన్‌స్టంట్ హిట్ అయింది. దీనిపై `ఫైటర్` దర్శకుడు సిద్ధార్థ్ ఆనంద్ మొదట కామెంట్ చేసిన వారిలో ఉన్నారు.

``ఇది ఫైటర్ సెట్‌లో.. రేపు నువ్వు షోకి వచ్చినప్పుడు చూపిస్తాను`` అని అత‌డు వ్యాఖ్య‌ను జోడించాడు. హృతిక్ గర్ల్ ఫ్రెండ్, నటి సబా ఆజాద్ అలాగే `క్రిష్`లో హృతిక్ సహనటి ప్రీతీ జింటా రెడ్ హార్ట్ ఈమోజీల‌తో ప్రేమ‌ను కురిపించారు. ఫైటర్ సహనటుడు అనిల్ కపూర్ .. కజిన్ పష్మీనా రోషన్ కొన్ని ఫైర్ ఎమోజీలను షేర్ చేసారు. టీవీ నటుడు కరణ్ వాహి `ఉఫ్ఫ్` అని వ్యాఖ్యానించారు. రేడియో జాకీ అర్చన ఎల్ పానియా వ్యాఖ్యానిస్తూ.. ఈ భూలోక దేవునికి ఉన్న క్రమశిక్షణను ద‌య‌చేసి మాకూ ఇవ్వండి అని కోరాడు.

హృతిక్ రోషన్ ఇటీవలే సబా ఆజాద్‌తో క‌లిసి ముంబైలో కనిపించిన ఒక రోజు తర్వాత ఈ ఫోటోగ్రాఫ్ అంత‌ర్జాలంలోకి వ‌చ్చింది. ఫ్యాన్స్ తో పాటు క‌థానాయిక‌ల‌ గుండెల్ని ఈ లుక్ మ‌రిగించింది. ఇద్దరూ హృతిక్ కుమారులు హ్రేహాన్ -హృదాన్‌లతో కలిసి డిన్నర్ డేట్ కోసం వెళ్లిన గ్రీక్ గాడ్ తో స‌బా ఆజాద్ ప్ర‌త్య‌క్షం కాగా..ఈ జంట‌పై కెమెరా క్లిక్ లు హోరెత్తాయి. ఈ ఫోటోల్లో పిల్ల‌లు ఇద్ద‌రూ క‌నిపించారు. ఇప్పుడు హృతిక్ రోషన్ వెకేషన్‌కు ముందు తర్వాత అతని శరీరాన్ని పోల్చి చూస్తే అస‌లు విష‌యం అర్థ‌మ‌వుతుంది. అత‌డు క్యాప్షన్‌లో రాసిన దాని ప్ర‌కారం...``సెలవు ముగిసింది.. ఈ ఫోటోలకు ముందు .. తరువాత ప్రదర్శ‌న‌.. జిమ్‌లో కలుద్దాం`` అని వ్యాఖ్యానించాడు. గ్రీక్ గాడ్ హృతిక్ త‌న రూపాన్ని మెయింటెయిన్ చేసేందుకు ఎంత‌గా శ్ర‌మిస్తాడో ఈ లుక్ చెబుతోంది.

హృతిక్ రోషన్ తదుపరి `ఫైటర్‌`లో కనిపించనున్నాడు. సిద్ధార్థ్ ఆనంద్ దర్శకత్వం వ‌హిస్తున్న ఈ చిత్రాన్ని య‌ష్ రాజ్ ఫిలింస్ నిర్మిస్తోంది. దీపికా పదుకొణె, అనిల్ కపూర్ ఇందులో స‌హ‌తారాగ‌ణం. వచ్చే ఏడాది జనవరిలో ఈ సినిమా థియేటర్లలోకి రానుంది. ఇది కాకుండా హృతిక్- జూనియర్ ఎన్టీఆర్ ప్ర‌ధాన పాత్ర‌ధారులుగా వార్ 2 త్వ‌ర‌లో చిత్రీక‌ర‌ణ‌కు వెళ్ల‌నుంది. బ్ర‌హ్మాస్త్ర ఫేం అయాన్ ముఖ‌ర్జీ ఈ చిత్రానికి ద‌ర్శ‌క‌త్వం వ‌హిస్తారు.