ఫోటో స్టోరి: చీర‌లో జాన్వీ సొగ‌సు చూడ‌త‌ర‌మా?

చారెడేసి క‌ళ్ల‌తో క‌పూర్ గాళ్ జాన్వీ మాయ చేస్తోంది. అతిలోక సుంద‌రి శ్రీ‌దేవి వార‌సురాలిగా ఎన్నో అంచ‌నాల న‌డుమ వెండితెర‌కు ప‌రిచ‌య‌మైన జాన్వీ క‌పూర్ పై ఆరంభం కొన్ని విమ‌ర్శ‌లు వ‌చ్చాయి. త‌న అందం న‌ట‌న గురించి విమ‌ర్శించిన‌వాళ్లున్నారు. అయితే కొద్ది కాలానికే త‌మ అభిప్రాయాల్ని మార్చుకుని జాన్వీ ముగ్ధ మ‌నోహ‌ర రూపానికి త‌న న‌ట‌న‌కు మంత్ర‌ముగ్ధులం అయిపోతున్నామ‌ని పొగిడేసిన వాళ్లు ఉన్నారు.

ఇక ఇటీవ‌లి కాలంలో క‌మ‌ర్షియ‌ల్ సినిమాల క్వీన్ గా ఎదిగేందుకు జాన్వీ చేయ‌ని ప్ర‌య‌త్నం లేదు. హిందీలో వ‌రుస చిత్రాల్లో న‌టించి త‌న‌ని తాను నిరూపించుకున్న జాన్వీ క‌పూర్ త్వ‌ర‌లోనే టాలీవుడ్ లో ఆరంగేట్రం చేస్తోంది. ఎన్టీఆర్ స‌ర‌స‌న దేవ‌ర చిత్రంలో న‌టిస్తోంది.

ఈ సినిమాతో జాన్వీకి పాన్ ఇండియా స్టార్ డ‌మ్ ఖాయ‌మైంది. కొర‌టాల శివ బిగ్ కాన్వాస్ పై దేవ‌ర‌ను చిత్రీక‌రిస్తుండ‌డంతో స‌ర్వ‌త్రా ఉత్కంఠ నెల‌కొంది. ఇక‌పోతే జాన్వీ క‌పూర్ నిరంత‌ర ఫోటోషూట్లు అభిమానులకు స్పెష‌ల్ ట్రీట్ గా నిలుస్తున్నాయ‌న‌డంలో సందేహం లేదు.

తాజాగా చీర‌లో కంటికి కునుకుప‌ట్ట‌నివ్వ‌ని ట్రీటిచ్చింది ఈ బ్యూటీ. చాలా కాలం త‌ర్వాత శ్రీ‌దేవి జూనియ‌ర్ ని చూసిన‌ట్టుగా ఉందంటూ ఈ ఫోటోలు వీడియోకు అభిమానులు వ్యాఖ్య‌ల్ని జోడిస్తున్నారు. చారెడేసి క‌ళ్లు అంద‌మైన చిరున‌వ్వుతో జాన్వీ అలా చీరందంలో హొయ‌లు పోతున్న తీరు ఈ వీడియోలో మైమ‌రిపింప‌జేస్తోంది. ప్ర‌స్తుతం ఇది అంత‌ర్జాలంలో వైర‌ల్ గా మారుతోంది.

జాన్వీ సుదీర్ఘ నోట్ సారాంశం:

జాన్వీ కపూర్ న‌టించిన బ‌వాల్ ఇటీవ‌లే ఓటీటీలో విడుద‌లై విమ‌ర్శ‌కుల నుంచి మిశ్ర‌మ స్పంద‌న‌లు అందుకున్న సంగ‌తి తెలిసిందే. నితేష్ తివారీ దర్శకత్వం వహించిన ఈ చిత్రంలో వరుణ్ ధావన్ క‌థానాయ‌కుడిగా న‌టించాడు. ఈ చిత్రంపై కొందరు మిశ్రమ స్పందనలు వ్యక్తం చేయగా మరికొందరు ఇద్దరు నటీనటుల నటనను ప్ర‌శంసించారు.తాజా ఫ‌లితంతో అభిమానుల‌కు కృతజ్ఞతలు తెలుపుతూ జాన్వీ సుదీర్ఘమైన నోట్‌ను రాసింది.

అయితే తాజా రిపోర్ట్ ని అనుస‌రించి ఈ సీజ‌న్ లో ఓటీటీలో వీక్షించిన అత్యంత పాపుల‌ర్ చిత్రంగా బవాల్ నిలిచింది. అభిమానుల నుండి తన నటనకు లభించిన ప్రేమకు జాన్వీ ఇన్‌స్టా వేదిక‌గా ధ‌న్య‌వాదాలు తెలిపింది. బవాల్ లో వరుణ్ హిస్టరీ టీచర్ అజయ్ పాత్రను పోషించ‌గా, మూర్ఛ రోగి అయిన అతని భార్య నిషా పాత్రలో జాన్వీ నటించింది. ఐరోపాలో హనీమూన్ కి వెళ్లిన‌ప్పుడు ఈ జంట ఎలాంటి స‌మ‌స్య‌ల‌ను ఎదుర్కొంది? అన్న‌ది ఓటీటీ తెర‌పైనే చూడాలి.