జాన్వీ-వ‌రుణ్ జోడీ షారుక్-కాజోల్ జంట‌ని చూసిన‌ట్లే!

వెండి తెర‌పై షారుక్-కాజోల్ స‌క్సెస్ పుల్ జోడీ గురించి చెప్పాల్సిన ప‌నిలేదు. నేటికి ఆ కాంబినేష‌న్ లో సినిమా అంటే ఓ వైబ్రేష‌న్ జ‌నిస్తుంది. వెండి తెర‌పై అంద‌మైన జోడీగా ఆ జంట‌కి మంచి పేరుంది. ఆ కాంబోలో వ‌చ్చిన క్లాసిక్ చిత్రాలే ఆ జోడీని ఉన్నత స్థానంలో నిల‌బెట్టాయి. 'దిల్ వాలే దిల్హాలే జాయేంగే' నుంచి 'దిల్ వాలే' వ‌రకూ ఆ క‌ల‌యిక అంటే? ఓ సంచ‌ల‌నం. బాలీవుడ్ ఐకానిక్ జోడీల్లో ఆ జంటది ప్ర‌త్యేక‌మైన స్థానం.

స‌రిగ్గా జాన్వీక‌పూర్-వ‌రుణ్ ధావ‌న్ కొత్త ఫోటో ఒక‌టి చూస్తూ ఇదే అనుభూతికి లోన‌య్యాడు ఓ నెటి జ‌నుడు. జాన్వీ-వ‌రుణ్ ఫోటోని ఉద్దేశించి ఆ జోడీని చూస్తుంటే షారుక్-కాజోల్ అగ‌ర్వాల్ ని చూస్తున్న‌ట్లు ఉంద‌ని త‌న మ‌న‌సులో భావాల్ని బ‌య‌ట పెట్టాడు.

ప్ర‌స్తుతం వ‌రుణ్ ధావ‌న్- జాన్వీ క‌పూర్ జంట‌గా 'బ‌వాల్' సినిమాలో న‌టిస్తోన్న సంగ‌తి తెలిసిందే. రొమాంటిక్ ల‌వ్ స్టోరీ నేప‌థ్యంతో నితిష్ తివారీ ద‌ర్శ‌క‌త్వం వ‌హిస్తున్నారు.

అన్ని ప‌నులు పూర్తిచేసుకుని ఈనెల 21న సినిమా ప్రేక్ష‌కుల ముందుకొస్తుంది. ఈ సంద‌ర్భంగా ప్ర‌చారంలో భాగంగా జాన్వీ త‌న ఇన్ స్టా ఖాతాలో ఓ అంద‌మైన ఫోటోని పోస్ట్ చేసింది. అందులో జాన్వీ-వ‌రుణ్ ఎంతో స‌న్నిహితంగా క‌నిపిస్తున్నారు. సినిమాలో ఇద్ద‌రి మ‌ధ్య బాండింగ్ ఎలా ఉంటుంద‌న్న‌ది ఆ పిక్ చూస్తేనే అర్ధ‌మ‌వుతుంది.రొమాంటిక్ మోడ్ లోకి జారుకుంటోన్న ఆ ఫోటో జాన్వీ ఎంతో అందంగా క‌నిపిస్తుంది.

క‌ళ్లు మూసుకుని ప్రేమ మైకంలో జారుకుంటోన్న ఆ జోడీ ఇప్పుడు నెట్టింట నెటి జ‌నుల్ని ఆక‌ట్టుకుం టుంది. అంద‌మైన జంట‌ని చూడ‌టానికి రెండు క‌ళ్లు చాల‌వంటూ మ‌రో యూజర్ కామెంట్ చేసాడు. నాటి-మేటి అంద‌మైన జంటల్ని ఈ జోడీ త‌ల‌పిస్తుందంటూ కామెంట్లు పెడుతున్నారు.

ఇంత‌వ‌ర‌కూ ఇలాంటి ప్ర‌శంస జాన్వీ న‌టించిన ఏ సినిమాకి రాలేదు. 'ధ‌డ‌క్' లాంటి ల‌వ్ స్టోరీలో న‌టించినా! ఇలాంటి అప్లాజ్ రాలేదు. ప్ర‌స్తుతం జాన్వీ-వ‌రుణ్ రొమాంటిక్ స్నాప్ నెట్టింట జోరుగా వైర‌ల్ అవుతోంది.