భ‌ర్త‌..బాబుతో కొత్తింట్లోకి చంద‌మామ‌!

చంద‌మామ కాజ‌ల్ అగ‌ర్వాల్ సెకెండ్ ఇన్నింగ్స్ లోనూ దూసుకుపోతున్న సంగ‌తి తెలిసిందే. ఇటీవ‌లే భ‌గ‌వంత్ కేస‌రితో మ‌రో బ్లాక్ బ‌స్ట‌ర్ ఖాతాలో వేసుకుంది. క‌మ‌ర్శియ‌ల్ గా ఈసినిమా విజ‌యం చంద‌మామ‌కి మంచి బ్రేక్ నిచ్చిన చిత్రంగా నిలిచింది. ప్ర‌స్తుతం అమ్మ‌డి చేతిలో కొన్ని ప్రాజెక్ట్ లున్నాయి. వాటిలో స‌త్య‌భామ అనే ఓ లేడీ ఓరియేంటెడ్ సినిమా కూడా ఉంది. ఇదే ఉత్సాహంలో అమ్మ‌డు తాజాగా కొత్తింట్లోకి గృహ‌ప్ర‌వేశం చేసింది.

భ‌ర్త గౌత‌మ్ కిచ్లూ..కుమారుడితో క‌లిసి గృహ ప్ర‌వేశం చేసిన ఫోటోల్ని సోష‌ల్ మీడియా వేదిక‌గా అభిమానుల‌తో పంచుకుంది. ఈ సంద‌ర్భంగా ఓ ఆస‌క్తిర పోస్ట్ పెట్టింది.` ఈ విష‌యాన్ని మీతో పంచుకోవ‌డం చాలా బావోద్వేగాల‌తో ముడిప‌డి ఉంది. మా ప‌విత్ర‌మైన కుటుంబం కోసం ఈవారంలోనే గృహ‌ప్ర‌వేశానికి సంబంధించిన పూజ జ‌రిగింది. ఇది మేము ఎంతో ప్రేమ‌తో క‌ట్టుకున్న ఇల్లు. దీన్ని దేవుడి ఆశీర్వాదంగా భావిస్తున్నాను.

మేము ఎంతో సంతోషంగా ఉన్న సంద‌ర్భం ఇది` అని రాసుకొచ్చింది. ప్ర‌స్తుతం ఈ పోస్ట్ ఇన్ స్టాలో వైర‌ల్ గా మారింది. మొత్తానికి కాజ‌ల్ సొంతింటి క‌ల నెర వేరింద‌ని తెలుస్తుంది. భ‌ర్త‌..బాబుతో సంతోష‌క‌ర‌మైన జీవితాన్ని గ‌డుపుతూనే వృత్తిలోనే అంతే బిజీగా ఉంది. పెళ్లి చేసుకుని..పిల్ల‌ల్ని క‌న్న త‌ర్వాత అవ‌కాశా లు రావ‌ని రిలాక్స్ అయ్యే భామ‌ల‌కు కాజ‌ల్ ఓ స్పూర్తి అని చెప్పొచ్చు. తెలుగులో వ‌రుస‌గా అవ‌కాశా లు..విజ‌యాలు అందుకుంటూ త‌న‌దైన మార్క్ వేస్తుంది.

ఒక్కో సినిమాకి గాను కోట్ల‌లో పారితోషికంగా అందుకుంటుంది. అలాగే ఎండార్స్ మెంట్స్ తోనూ బాగానే సంపాదిస్తుంది. ఇక భ‌ర్త గౌత‌మ్ కిచ్లూ పెద్ద బిజినెస్ మ్యాన్. ఏటా కోట్ల‌లో ఆదాయం సంపాదిస్తున్నాడు. వృత్తి ప‌రంగా ఇద్ద‌రు చాలా బిజీ. అయినా కుటుంబ జీవితానికి కావాల్సినంత స‌మ‌యాన్ని కేటాయిస్తూ సంతోషంగా జీవిస్తున్నారు.