కంగువా దిశా.. బికినీ సొగసులతో కిర్రాక్ లుక్స్

టాలీవుడ్ సినీ ప్రపంచం నుంచి బాలీవుడ్‌లోకి అడుగుపెట్టి, తనదైన గుర్తింపును తెచ్చుకున్న అందాల తార దిశా పటాని. ఇటీవల ఇన్‌స్టాగ్రామ్‌లో షేర్ చేసిన పసుపు బికినీ ఫోటోలతో దిశా మరోసారి హాట్ టాపిక్‌గా మారింది. సముద్ర తీరంలో తళుక్కుమని మెరిసిపోతున్న ఆమె ఈ ఫోటోలతో నెటిజన్లను మంత్ర ముగ్ధులను చేశారు. కంగువా హ్యాష్‌ట్యాగ్‌తో ఈ ఫోటోలు షేర్ చేస్తూ, తన లుక్స్‌తో గ్లామర్ ఫ్యాన్స్‌కు ఫుల్ మీల్స్ అందించారు. ఇటీవల ఆమె హీరోయిన్ గా నటించిన కంగువా సినిమా పాన్ ఇండియా రేంజ్ లో విడుదలైంది.

తెలుగు సినిమా లోఫర్ తో తన కెరీర్‌ను ప్రారంభించిన దిశా, ఆ తర్వాత బాలీవుడ్‌లో ఎంఎస్ ధోని: ది అన్‌టోల్డ్ స్టోరి సినిమాతో సూపర్ హిట్ అందుకుని, అటు నుంచి వెనక్కి తిరిగి చూడలేదు. కెరీర్ ప్రారంభంలోనే జాకీచాన్‌తో కలిసి కుంగ్ ఫూ యోగా సినిమాలో నటించి, అంతర్జాతీయ స్థాయిలో కూడా తన ప్రతిభను చాటుకుంది. ఈ ఏడాది ప్రభాస్‌తో కలిసి నటించిన పాన్ ఇండియా ప్రాజెక్ట్ కల్కి 2898 ఏడీలో కీలక పాత్రలో కనిపించింది.

అలాగే, సూర్యతో కలిసి తమిళంలో రూపొందిన పాన్ వరల్డ్ మూవీ కంగువాలో దిశా పాత్ర ప్రధాన ఆకర్షణగా నిలవనుంది. ఈ సినిమాతో దిశా మరింత మెరుగైన గుర్తింపును పొందనుందని సినీ వర్గాలు భావిస్తున్నాయి. తన గ్లామర్ లుక్స్‌తో ఇన్‌స్టాగ్రామ్‌ను షేక్ చేస్తూ దిశా పటాని సోషల్ మీడియాలో అగ్రగామిగా నిలుస్తోంది. ఆమె అకౌంట్‌లో 61.5 మిలియన్లకు పైగా ఫాలోవర్స్ ఉండడం విశేషం. తరచుగా ఫిట్‌నెస్, ఫ్యాషన్, గ్లామర్ అంశాలతో నిండిన ఫోటోషూట్లను షేర్ చేస్తూ అభిమానులను అలరిస్తోంది.

ముఖ్యంగా ఇన్నర్ గార్మెంట్స్ బ్రాండ్స్‌ను ప్రమోట్ చేస్తూ దిశా పటాని తన గ్లామర్‌కు మరింత సొబగు అద్దుతోంది. తాజా బికినీ ఫోటోలు ఈ ప్రచారం భాగంగానే వైరల్ అవుతూ, నెటిజన్ల నుండి భారీ స్పందనను అందుకున్నాయి. 6 లక్షల మందికి పైగా లైక్స్‌తో, ఆమె ఈ ఫోటోలు సోషల్ మీడియాలో సంచలనం సృష్టించాయి. మరి రాబోయే రోజుల్లో అమ్మడు ఇంకా ఎలాంటి అవకాశాలను అందుకంటుందో చూడాలి.