పిక్ టాక్ : చీర కట్టుతో చూపు తిప్పుకోనివ్వని అందం
బాలీవుడ్ స్టార్‌ హీరోయిన్ కరీనా కపూర్ ఖాన్ వయసు పెరుగుతున్నా కొద్ది అందంగా మారుతుందా అన్నట్లుగా అభిమానులు ఈ ఫోటోలను చూసిన తర్వాత కామెంట్స్ చేస్తున్నారు.
By: Tupaki Desk | 16 Sep 2023 6:15 AM GMT
బాలీవుడ్ స్టార్‌ హీరోయిన్ కరీనా కపూర్ ఖాన్ వయసు పెరుగుతున్నా కొద్ది అందంగా మారుతుందా అన్నట్లుగా అభిమానులు ఈ ఫోటోలను చూసిన తర్వాత కామెంట్స్ చేస్తున్నారు. చీర కట్టు లో కరీనా కపూర్ ఖాన్ ని చూసి చూపు తిప్పుకోలేక పోతున్నామని కూడా చాలా మంది నెటిజన్స్ కామెంట్స్ చేస్తున్నారు.
ఆకట్టుకునే ఫిజిక్ తో పాటు ఏ ఔట్‌ ఫిట్‌ కు అయినా సరిగ్గా సూట్ అయ్యే మంచి స్కిన్‌ టోన్ కరీనా కపూర్ ది అంటూ ఫ్యాన్స్ కామెంట్స్ చేస్తున్నారు. ప్రస్తుతం సోషల్‌ మీడియాలో ఈ ఫోటోలతో కరీనా కపూర్ వైరల్‌ అవుతోంది. పెళ్లి, పిల్లల తర్వాత కూడా ఇంత అందంగా కనిపించడం కొద్ది మంది హీరోయిన్స్ కి మాత్రమే సాధ్యం అన్నట్లుగా కొందరు మాట్లాడుకుంటున్నారు.
42 ఏళ్ల కరీనా కపూర్ ఇప్పటికి కూడా సినిమాలతో బిజీగా ఉంది. సినిమాలు మాత్రమే కాకుండా ఆమె నుండి షో లు, షూట్స్ ఇలా ఎప్పుడు ఏదో ఒకటి వస్తూనే ఉంది. ముందు ముందు మరిన్ని సినిమాలు ఇంకా సిరీస్ ల్లో కూడా కరీనా కపూర్ నటించే అవకాశాలు ఉన్నాయని ఆమె అభిమానులు నమ్మకంతో ఉన్నారు.
సాధారణంగా నాలుగు పదుల వయసు దాటిన తర్వాత హీరోయిన్స్ పెద్దగా కనిపించరు. కానీ కరీనా కపూర్ మాత్రం ఇలాంటి చీర కట్టు ఫోటోలతో కవ్వించడం తో పాటు వావ్ అన్నట్లుగా అందరితో కామెంట్స్ ను సొంతం చేసుకుంటుంది. ఆకట్టుకునే ఫిజిక్ ఈ అమ్మడి సొంతం అంటూ ఈ చీర కట్టు ఫోటోలు మరోసారి నిరూపితం చేశాయి.
ఇక ప్రస్తుతం ఈమె హిందీలో మూడు సినిమాలు చేస్తోంది. అందులో ఒకటి ఈ ఏడాది రాబోతుండగా, వచ్చే ఏడాది మరో రెండు సినిమాలు రాబోతున్నాయి. రెండు సినిమాలు చర్చల దశలో ఉన్నాయని తెలుస్తోంది.
