వీడియో: లాక్మే వీక్‌ని షేక్ చేసిన కియ‌రా

జెన్ Z స్టార్ల‌లో ఒకరైన కియారా అద్వానీ తన నటనతోనే కాకుండా మంత్రముగ్ధులను చేసే రూపంతోను యువ‌త‌రంలో పాపుల‌రైంది. అతి తక్కువ వ్యవధిలో హిందీ సినిమాల్లో భారీ విజయాన్ని అందుకున్న న‌టిగా కియ‌రా పేరు మార్మోగుతోంది. అగ్ర‌ ద‌ర్శ‌క‌నిర్మాతలకు కియ‌రా ఒక కీల‌క ఆప్షన్ గా నిలిచింది. కియారా ప్రస్తుతం ముంబైలో కొనసాగుతున్న లాక్మే ఫ్యాషన్ వీక్ 2023లో కనిపించి షో స్టాప‌ర్ గా నిలిచింది. ఈవెంట్ 4వ రోజున, కియారా ఫల్గుణి షేన్ పీకాక్‌కి షోస్టాపర్‌గా కనిపించింది. ర్యాంప్ పై నలుపు- బంగారు రంగులో ఉన్న బాడీకాన్ గౌనును ధ‌రించి క్యాట్ వాక్ చేసింది. లాక్మే ఫ్యాషన్ వీక్ అధికారిక ఇన్‌స్టాగ్రామ్ హ్యాండిల్ కియ‌రా ఫోటోలు, వీడియోలను షేర్ చేసింది. నెటిజనులు కియ‌రా స్ట‌న్నింగ్ లుక్ కి స్పెల్ బౌండ్ అయిపోవ‌డం విశేషం.

కియారా ఫల్గుణి షేన్ పీకాక్ కోసం ర్యాంప్ వాక్ చేయడం ఇదే మొదటిసారి కాదు. ఈ సంవత్సరం జూలైలో, ఇండియా కోచర్ వీక్ 2023లో షోస్టాపర్‌గా కనిపించారు. స్ట‌న్నింగ్ కియ‌రా స్టైలిష్ లుక్స్ .. అందంగా డిజైన్ చేసిన దుస్తులతో ర్యాంప్‌ను అలంకరించిన కియ‌రా యూత్ హార్ట్ త్రోబ్ గా మారింది. ఇప్పుడు లాక్మే వీక్ లోను ఎంతో స్పెష‌ల్ లుక్ తో ఆక‌ట్టుకుంది.

వ్య‌క్తిగ‌తంగా కియ‌రా త‌న ప్రియుడు, హీరో సిద్ధార్థ్ మ‌ల్హోత్రాని పెళ్లాడిన సంగతి తెలిసిందే. వృత్తిరీత్యా 31 ఏళ్ల కియ‌రా వ‌రుస ప్రాజెక్టుల‌తో బిజీగా ఉంది. కార్తీక్ ఆర్యన్‌తో కలిసి సత్యప్రేమ్ కి కథలో చివరిగా కనిపించిన ఈ బ్యూటీ మ‌రో రూ.100 కోట్ల క్ల‌బ్ సినిమాని త‌న ఖాతాలో వేసుకుంది. ఈ చిత్రం కమర్షియల్ హిట్‌గా నిలిచింది. త‌దుప‌రి రామ్ చ‌ర‌ణ్ స‌ర‌స‌న శంక‌ర్ ద‌ర్శ‌క‌త్వంలో గేమ్ ఛేంజర్ అనే పొలిటిక‌ల్ యాక్షన్ థ్రిల్లర్ లో న‌టిస్తోంది. ఇందులో ఎస్ జె సూర్య, జయరామ్, సునీల్, శ్రీకాంత్, సముద్రఖని సహాయక పాత్రల్లో నటిస్తున్నారు. ఇది 2025లో సినిమా థియేటర్లలో విడుదల కానుంది. జూనియర్ ఎన్టీఆర్ - హృతిక్ రోషన్-స్టార్ వార్ 2 లో కూడా కియ‌రా కాథానాయిక‌గా న‌టించ‌నుంది.