నమ్రత.. ట్రెడిషనల్ వేర్ లో కుందనపు బొమ్మలా..

నమ్రతా శిరోద్కర్.. ఒకప్పటి హీరోయిన్ గా, సూపర్ స్టార్ హీరో మహేష్ బాబు సతీమణిగా అందరికీ సుపరిచితమే. మోడల్ గా కెరీర్ స్టార్ట్ చేసిన నమ్రత.. తనకంటూ ప్రత్యేక గుర్తింపు సంపాదించుకున్నారు. ఆ తర్వాత 1993లో మిస్ ఇండియా టైటిల్ ను గెలుచుకున్నారు.ఆ సమయంలో పలు అందాల పోటీల్లో పార్టిసిపేట్ చేసి తన టాలెంట్ ఏంటో చూపించారు.

1998లో బాలీవుడ్ లోకి హీరోయిన్ గా జబ్ ప్యార్ కిస్సే హోతా హై సినిమాతో అడుగుపెట్టారు. తక్కువ టైమ్ లోనే ఎక్కువ ఫేమ్ సంపాదించుకున్నారు. స్టార్ హీరోయిన్ హోదాను దక్కించుకున్నారు. వరుస సినిమా అవకాశాలు సొంతం చేసుకున్నారు. ఆ సమయంలో టాలీవుడ్ మేకర్స్ దృష్టిలో పడ్డారు. మహేష్ బాబు వంశీ మూవీలో నటించే ఛాన్స్ అందుకున్నారు.

ఆ సినిమాతోనే టాలీవుడ్ కు హీరోయిన్ గా పరిచయమయ్యారు నమ్రత. డెబ్యూతో మంచి హిట్ అందుకున్నారు. ఆ తర్వాత పలు సినిమాల్లో యాక్ట్ చేశారు. అయితే వంశీ మూవీ టైమ్ లో మహేష్ బాబుతో ప్రేమలో పడ్డారు. కానీ వారి లవ్ మ్యాటర్ చాలా కాలం పాటు బయటపడలేదు. అంత సీక్రెట్ గా మహేష్ తో నమ్రత ప్రేమాయణాన్ని నడిపించారు.

అలా 2005లో మహేష్ తో ఏడడుగులు నడిచారు. గౌతమ్, సితారకు జన్మనిచ్చారు. పెళ్లి తర్వాత సినిమాలకు గుడ్ బై చెప్పేసి వివిధ ఆఫర్స్ వచ్చినా రిజెక్ట్ చేశారు. ఫ్యామిలీకి పూర్తిగా పరిమితమై మహేష్ బాబుకు సంబంధించిన అన్ని వ్యవహారాల్లో కీలక పాత్ర పోషిస్తున్నారు. డేట్స్, మూవీస్, యాడ్స్, డ్రెస్సింగ్, వ్యాపారాలు.. అలా అన్నింటా మార్క్ చూపిస్తున్నారు.

అయితే సోషల్ మీడియాలో ఫుల్ యాక్టివ్ గా ఉంటారు నమ్రత. ఫ్యామిలీకి సంబంధించిన అప్డేట్స్ ను ఎప్పటికప్పుడు ఇస్తుంటారు. వెకేషన్ కు వెళ్తే అక్కడ దిగిన పిక్స్ ను షేర్ చేసి సందడి చేస్తుంటారు. తన పిల్లలకు సంబంధించిన విషయాలు పంచుకుంటూ ఉంటారు. తాజాగా డార్క్ బ్లూ కలర్ ట్రెడిషనల్ వేర్ లో దిగిన పిక్స్ ను పోస్ట్ చేశారు నమ్రత.

ఒక దశ కాదు, నా ఎప్పటికీ సౌందర్యం! అంటూ క్యాప్షన్ ఇచ్చారు. దాని తగ్గట్టు గానే ఎంతో అందంగా కనిపిస్తున్నారు. కుందనపు బొమ్మలా ఉన్నారు. ఆమె వల్ల అవుట్ ఫిట్ అండ్ జ్యువెలరీకి అందం వచ్చిందని చెప్పాలి. ఇప్పుడు నమ్రత కొత్త పిక్స్ వైరల్ గా మారగా.. సూపర్ మేడమ్ అంటూ నెటిజన్లు కామెంట్లు పెడుతున్నారు. చాలా బాగున్నాయని చెబుతున్నారు.