బ్యూటిపుల్ మ‌మ్ త‌గ్గేదేలే.. చెల‌రేగుతున్న ప్రణీత!
'అత్తారింటికి దారేది' చిత్రంతో టాలీవుడ్ లో అదిరే బ్లాక్ బ‌స్ట‌ర్ అందుకుంది ప్ర‌ణీతా సుభాష్.
By: Tupaki Desk | 10 Sep 2023 1:44 PM GMT
`అత్తారింటికి దారేది` చిత్రంతో టాలీవుడ్ లో అదిరే బ్లాక్ బ‌స్ట‌ర్ అందుకుంది ప్ర‌ణీతా సుభాష్. ఈ చిత్రంలో స‌మంత కంటే ప్రణీత అంద‌చందాల‌కే యూత్ ఎక్కువ‌గా ఫిదా అయింది. కానీ ఆ త‌ర్వాత కెరీర్ ని టేకాఫ్ చేయ‌డంలో ప్రణీత పూర్తిగా త‌డ‌బ‌డ‌గా, స‌మంత మాత్రం తెలివైన ఎంపిక‌లు ప్ర‌తిభ‌తో స్కై ఈజ్ లిమిట్ అన్న చందంగా ఎదిగింది. వ్య‌క్తిగ‌త జీవితంలో త‌డ‌బాటుతో ఎలాంటి సంబంధం లేకుండా స‌మంత కెరీర్ ప‌రంగా దూసుకుపోతోంది. అటు బాలీవుడ్ లోను టాప్ హీరోయిన్ గా ఎదిగింది.
అయితే అందుకు విరుద్ధంగా ప్రణీత మాత్రం ఇప్పుడు పూర్తిగా సంసార జీవితానికి ప‌రిమిత‌మైంది. ప్రణీత కెరీర్ డౌన్ ఫాల్ అయ్యాక త‌న భ‌ర్త‌తో లైఫ్ లో సెటిలైంది. ఇటీవ‌లే భర్త నితిన్ రాజు.. త‌న వార‌సురాలితో ఫోటోషూట్ ని ప్రణీత షేర్ చేయ‌గా అది వైర‌ల్ గా మారింది. భర్త కుమార్తెతో త‌న హ్యాపీ లైఫ్ కి సంబంధించిన ఫోటోలు వీడియోలు వైర‌ల్ అయ్యాయి. ప్రణీత సుభాష్ ఈ ఏడాది జూన్ లో ఆడబిడ్డకు జన్మనిచ్చిన సంగ‌తి తెలిసిందే. వారసురాలి ఫోటోల‌ను కూడా ఈ బ్యూటీ షేర్ చేయ‌గా వైర‌ల్ అయ్యాయి.
ఇక సెకండ్ ఇన్నింగ్స్ ప్ర‌య‌త్నాల్లో ఉన్న ప్రణీత ఫిట్ లుక్ ఇప్పుడు ఇండ‌స్ట్రీలో హాట్ టాపిక్ అయింది.
ఇప్ప‌టికీ సినిమాల్లో న‌టించేందుకు తాను త‌న రూపాన్ని సిద్ధం చేసాన‌ని ద‌ర్శ‌క‌నిర్మాత‌ల‌కు ఫీల‌ర్స్ వ‌దిలుతోంది ఈ బ్యూటీ. ఒక కిడ్ కి జ‌న్మ‌నిచ్చాకా ప్రణీత వంద‌శాతం ఫిట్ గా ఉంది. ప్ర‌స‌వానంత‌రం కొన్ని నెల‌ల్లోనే అంద‌మైన లుక్ తో ఆశ్చ‌ర్య‌ప‌రుస్తోంది. ప్రణీత చివరిసారిగా 2019లో ఎన్టీఆర్ `కథానాయకుడు` సినిమాలో కనిపించింది. త‌దుప‌రి క‌థానాయిక‌గా ప్ర‌య‌త్నాల్లో ఉంది. త‌దుప‌రి ప్రాజెక్ట్ ఏమిటో ప్ర‌క‌టించేందుకు సిద్ధ‌మ‌వుతోంద‌ని కూడా క‌థ‌నాలొస్తున్నాయి.
