ఎలా అయినా బతకగలను అంటున్న సమంత

కథానాయిక సమంత ప్రస్తుతం సినిమాలకు ఏడాది పాటు విరామం ప్రకటించి.. సంపూర్ణ ఆరోగ్యం కోసం లైఫ్​ను ఎంతో ప్రశాంతంగా గడుపుతోంది. ముఖ్యంగా మనసు ప్రశాంతత కోసం తనకు ఇష్టమైన ప్రదేశాలను చూసేందుకు దేశాలను చుట్టేస్తోంది. అక్కడ దిగిన ఫొటోలను, తీసుకున్న వీడియోలను.. ఎప్పటికప్పుడు తన సోషల్​ మీడియా ఇన్‌స్టాగ్రామ్​లో పోస్ట్ చేసి అభిమానులతో షేర్ చేసుకుంటోంది.

తాజాగా ఓ అదిరిపోయే ఫొటోను షేర్ చేసింది. ఇందులో సామ్​ యమా స్టైలిష్ లుక్​లో దర్శనమిచ్చింది. జీన్స్​ ప్యాంట్​తో పాటు దానిపై బ్లాక్ కలర్ షర్ట్​, బ్లాక్ కలర్ జాకెట్ ధరించి ఎంతో అందంగా కనిపించింది. పైగా డ్రెస్​కు సూట్ అయ్యేలా బ్లాక్​ కలర్​ కూలింగ్ గ్లాసెస్​ ధరించింది.

అలాగే ఈ పిక్​తో పాటు ఈ ఫొటోలోని యాష్​ కలర్​ బ్యాక్​గ్రౌండ్​ కూడా అందరి దృష్టిని ఆకర్షించింది. దానిపై 'ఎవ్రీబడీస్​ డార్లింగ్'​ అని రాసి ఉండటం హైలైట్​గా ఉంది. దాని కింద సమంత నిలబడి ఉంది. ఇంకా ఈ ఫొటోను సమంత షేర్ చేస్తూ.. Or not.. I can live with both అనే క్యాప్షన్​ రాసుకొచ్చింది. అంటే మొత్తంగా కలిపి చూస్తే.. సమంత ప్రతిఒక్కరి డార్లింగ్​ అవ్వొచ్చు, కాకపోవచ్చు.. ఎలా అయినా నేను బతకగలను అని అర్థం వచ్చేలా రాసుకొచ్చింది.

ఇక ఈ ఫొటో చూసిన అభిమానులు.. సమంత లుక్​ను అభివర్ణిస్తూ గార్జియస్​, సూపర్​, సమంత ప్రతిఒక్కరి డార్లింగ్​, తగ్గేదే లే అంటూ కామెంట్లు పెడుతూ ఫొటోను తెగ షేర్​ చేస్తున్నారు. దీంతో ఈ పిక్​ నెట్టింట తెగ చక్కర్లు కొడుతోంది.

కాగా, సమంత సినిమాల విషయానికొస్తే... ఇటీవలే విజయ్‌ దేవరకొండతో కలిసి ఆమె నటించిన ఖుషి చిత్రం రిలీజై పర్వాలేదనిపించే టాక్​ తెచ్చుకుంది. రాజ్‌ అండ్‌ డీజే దర్శకత్వంలో ఆమె నటించిన సీటాడెల్‌ ఇండియన్ వెర్షన్ వెబ్​సిరీస్ రిలీజ్​కు రెడీ అయింది. ఇక బ్రేక్​ పూర్తైన తర్వాత.. బాలీవుడ్​లో సల్మాన్ ఖాన్ సరసన నటించేందుకు సమంత గ్రీన్ సిగ్నల్​ ఇచ్చినట్లు ఆ మధ్య వార్తలు వచ్చాయి.