గాండీవధారి అర్జున.. ఈ వింటేజ్​ కార్ ఎందుకంత స్పెషలో

మెగా హీరో వరుణ్ తేజ్ సినిమా సినిమాకు చాలా వ్యత్యాసం చూపిస్తూ కథలను ఎంచుకుంటున్నారు. రెగ్యులర్ కమర్షియల్ సినిమాలకు కాస్త గ్యాప్ ఇచ్చి నెవర్ బిఫోర్ అనెలా డిఫరెంట్ స్టోరీస్​కు ప్రిఫరెన్స్ ఇస్తున్నారు. అలా ప్రస్తుతం ఆయన ప్రవీణ్ సత్తారు దర్శకత్వంలో గాండీవధారి అర్జున అనే స్పై యాక్షన్ థ్రిల్లర్ సినిమా చేస్తున్నారు.

1960ల కాలం నాటి పీరియడ్ బ్యాక్‌డ్రాప్‌లో ఈ సినిమాను రూపొందిస్తున్నారు. 60ల నాటి వాతావరణం, అప్పటి అనుభూతిని తెరపైకి తీసుకురావడానికి మూవీటీమ్​ అదనపు జాగ్రత్తలు కూడా తీసుకుంటోంది. ఇటీవలే యూఎస్​ఏలో ఓ ఇంపార్టెంట్​ సీక్వెన్స్​ షెడ్యూల్​ను కూడా పూర్తి చేశారు మేకర్స్​. ఈ షెడ్యూల్​ను సినిమాలోని కీలక పాత్రలపై చిత్రీకరించారు.

అయితే ఈ చిత్రంలో ఓ వింటేజ్​ కార్​ను స్పెషల్​గా వినియోగించారు. చిత్రంలో అది కూడా కీలక పాత్ర పోషించిందట. అదే 1969 ముస్టంగ్​ మెక్​ 1 మోడల్​ కార్​. ఎంతగానో రీసెర్చ్​ చేసి ఫైనల్​గా ఈ కారును సెలక్ట్​ చేశారట. ఈ విషయాన్ని ప్రవీణ్​ సత్తారు చెప్పారు. ఆ కారును యూకేలోని ఓ 80ఏళ్ల పెద్దాయన దగ్గర నుంచి తీసుకున్నారని ప్రవీణ్ పేర్కొన్నారు. ఆ పెద్దాయన తన టీనేజ్​లో ఉన్నప్పుడు ఆ కారను కొనుగోలు చేశారట.

ఈ కారు సినిమాలోని హీరో పాత్రతో సమానంగా క్యారెక్టర్ పోషిస్తుందని, దాని పాత్రకు ఎంతో ప్రాముఖ్యత ఉందని తెలిపారు. హీరో క్యారెక్టర్​ను అది బాగా ఎలివేట్ చేస్తుందని చెప్పుకొచ్చారు. ఆ కారులో కొత్త ఇంజిన్​ను అమర్చడంతో పాటు ఎన్నో మోడిఫికెషన్స్​ చేసినట్లు అన్నారు. ఆ కారును రీమోడల్ చేయడానికి దాదాపు నెల రోజుల సమయం పట్టిందట.

ఈ సినిమాను శ్రీ వెంకటేశ్వర సినీ చిత్ర సంస్థ నిర్మిస్తోంది. బీవీఎస్ఎన్‌ ప్రసాద్‌ నిర్మాత. సాక్షి వైద్య హీరోయిన్​గా నటిస్తోంది. సరికొత్త యాక్షన్‌ థ్రిల్లర్‌ ముస్తాబవుతున్న ఈ చిత్రంలో వరుణ్‌ సెక్యురిటీ ఎక్స్‌పర్ట్‌గా కనిపించనున్నారట. ఈ చిత్రానికి మిక్కీ జె.మేయర్‌ సంగీతం అందిస్తున్నారు. ఇప్పటికే రిలీజైన ప్రచార చిత్రాల్ని చూస్తే.. సినిమాలో యాక్షన్‌కు పెద్ద పీట వేసినట్లు అర్థమవుతోంది. పూర్తిగా లండన్‌ నేపథ్యంలో సాగే కథతో ఈ సినిమా రూపొందుతోంది.