ఒకటి కాదు..నాలుగు..కరోనా స్ట్రెయిన్లున్నాయ్! డబ్ల్యూహెచ్​ వో క్లారిటీ..!

ఇటీవల కరోనా కొత్త స్ట్రెయిన్​ ప్రపంచదేశాలను వణికిస్తున్నది. ఇప్పటికే ఈ కొత్త స్ట్రెయిన్​ కేసులు బ్రిటన్​ లో వేలల్లో నమోదయ్యాయి. మనదేశంలోనూ కొత్త స్ట్రెయిన్​ కేసులు వస్తున్నాయి. కొత్త స్ట్రెయిన్​ పై ప్రపంచదేశాలన్నీ అలర్టయ్యాయి. ఏ వైరస్​ అయినా కొంతకాలానికి రూపాంతరం చెందుతుంది. అదే కొత్త స్ట్రెయిన్​. కరోనా వైరస్​ కూడా జన్యుమార్పిడి చెందింది. అయితే కొత్త స్ట్రెయిన్​ కూడా పాత కరోనా లక్షణాలే ఉన్నాయి. కానీ కొత్త స్ట్రెయిన్​ 70 శాతం ఎక్కువగా వ్యాప్తి చెందుతోందని.. మరణాల రేటు కూడా ఎక్కువగా ఉందని శాస్త్రవేత్తలు హెచ్చరించారు. ఈ నేపథ్యంలో ఈ కొత్త స్ట్రెయిన్​ పై డబ్ల్యూహెచ్ ​వో ( ప్రపంచ ఆరోగ్యసంస్థ) స్పందించింది.

అయితే కరోనా వైరస్​ తొలి కేసు నమోదైనప్పటి నుంచి నేటివరకు మొత్తం నాలుగు రకాల కొత్త స్ట్రెయిన్లు వెలుగులోకి వచ్చినట్టు డబ్ల్యూహెచ్​వో తాజాగా పేర్కొన్నది. చైనాలో గత ఏడాది జనవరిలో డీ614జీ అనే కొత్త స్ట్రెయిన్​ పుట్టిందని డబ్ల్యూహెచ్​ వో పేర్కొన్నది. ఆ తర్వాత ఈ స్ట్రెయిన్​ ప్రపంచవ్యాప్తంగా వ్యాపించిందని ప్రపంచ ఆరోగ్యసంస్థ చెప్పింది. ఆగస్టు - సెప్టెంబర్ నెలల్లో డెన్మార్క్‌ లో క్లస్టర్-5 అనే మూడో స్ట్రయిన్​ గా పుట్టుకొచ్చిందని డబ్ల్యూహెచ్​ వో చెప్పింది. ఈ ఏడాది డిసెంబర్ నెలలో బ్రిటన్‌ లో మరో కరోనా స్ట్రెయిన్ ఉనికిలోకి వచ్చింది. అయితే ఈ కొత్త స్ట్రెయిన్​ కు పాత కరోనా వైరస్​ కు చాలా వ్యత్యాసం ఉందని శాస్త్రవేత్తలు గుర్తించారు.

దానికి తోడు ఈ వైరస్​ వ్యాప్తి కూడా ఎక్కువగా ఉన్నదని వైద్యులు అంటున్నారు. అయితే ఈ వైరస్​ దక్షిణాఫ్రికా నుంచి బ్రిటన్​ కు వచ్చిందన్న అనుమానాలు కూడా వ్యక్తమవుతున్నాయి. మరోవైపు భారత్​ లోనూ ఈ తరహా కొత్త స్ట్రెయిన్​ విజృంభిస్తున్నది. అయితే వేల సంఖ్యలో టెస్టులు చేస్తేనే ఈ కొత్త స్ట్రెయిన్​ బయటపడే అవకాశం ఉన్నది. కరోనా అనేది ఆర్ ఎన్ ​ఏ వైరస్​ అందువల్ల ఈ వైరస్​ రూపాంతరం చెందడం సహజమేనని శాస్త్రవేత్తలు అంటున్నారు.