భార్యను కారుతో తొక్కించిన సినీ నిర్మాత

అతడో పేరున్న నిర్మాత.. పెళ్లి కూడా అయ్యింది. మరో మహిళతో అక్రమ సంబంధం పెట్టుకున్నాడు. సదురు మహిళతో శృంగారంలో ఉండగా భార్యకాపు కాసి మరీ రెడ్ హ్యాండెడ్ గా పట్టుకుంది. దీంతో ఆగ్రహంతో ఊగిపోయిన సదురు నిర్మాత కారుతో భార్యను తొక్కించేశాడు. ఆలస్యంగా వెలుగులోకి వచ్చిన ఈ ఘటన వైరల్ అవుతోంది. ఆ నిర్మాత భార్యను కారుతో తొక్కించిన వీడియో వైరల్ అవుతోంది.

ముంబైలోని అంధేరిలో ఈ దారుణం వెలుగుచూసింది. భార్య అంబోలి పోలీస్ స్టేషన్ లో చేసిన ఫిర్యాదుతో కేసు నమోదైంది. నిర్మాత కమల్ కిషోర్ మిశ్రా ఇంట్లో కనిపించకపోవడంతో అతడిని వెతుక్కుంటూ అతడి భార్య వెళ్లింది.

అక్కడ కారులో మరో మహిళతో భర్త శృంగారం చేస్తుండడాన్ని గమనించి కోపం పట్టలేకపోయింది. నిలదీసేందుకు వెళ్లి భర్తను కారు నుంచి బయటకు రావాలంటూ అరిచింది. దీంతో కంగారుపడ్డ భర్త కిషోర్ కారును స్టార్ట్ చేసి ముందుకు పోనిచ్చాడు. కారుఢీకొని ఆమె కింద పడినా కూడా పట్టుకోకుండా కాళ్ల మీద నుంచి కారును పోనిచ్చాడు. దగ్గరలోని మరో వ్యక్తి వచ్చి ఆమెను బయటకు లాగి కాపాడాడు. ఆమె తల, కాళ్లకు గాయాలయ్యాయి.

భర్త వివాహేతర సంబంధాన్ని అడ్డుకున్నందుకు తనను కారుతో తొక్కించి చంపడానికి ప్రయత్నించాడని అంబోలి పోలీస్ స్టేషన్ లో సదురు మహిళ కేసు పెట్టింది. పోలీసులు కేసు నమోదు చేసి దర్యాప్తు చేస్తున్నారు.

ప్రస్తుతం నిర్మాత కిషోర్ తన భార్యను కారుతో తొక్కించిన వీడియో బయటకు వచ్చింది. గగుర్పొడిచేలా ఉంది. వివాహేతర సంబంధం కోసం ఏకంగా భార్యనే హతమార్చాలని చూసిన నిర్మాత తీరు విస్తుగొలిపేలా ఉంది. నెట్టింట ఈ వీడియో వైరల్ అవుతోంది.

బాలీవుడ్ లో కమల్ కిషోర్ మిశ్రా పలు సినిమాలు తీశాడు. కానీ అవి సరిగ్గా ఆడలేదని సమాచారం.. చాటు మాటు వ్యవహారాలతోనే ఈయన ఫేమస్ అయినట్టు ప్రచారం ఉంది.


నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.