భారీ ఉగ్రకుట్ర భగ్నం.. రోహింగ్యాల కీలక నేత హస్తం..!

భారత్​ను టార్గెట్​ చేస్తూ మలేషియాకు చెందిన ఓ ఉగ్రమూక భారీ విధ్వంసానికి స్కెచ్​ వేసింది. ఈ ఉగ్రకుట్రకు రోహింగ్యాలకు చెందిన ఓ కీలకనేత సూత్రధారిగా వ్యవహరించినట్టు సమాచారం. అయితే ఈ ఉగ్రకుట్రను ఇంటెలిజెన్స్​ వర్గాలు పసిగట్టాయి.

ఈ భారీ ఆపరేషన్​ కోసం సుమారు 2 లక్షల డాలర్లు కేటాయించినట్టు భారత్​ ఇంటెలిజెన్స్​ సంస్థ పేర్కొన్నది. ఆ ఉగ్రకుట్ర వెనకు రోహింగ్యాల కీలక నేత మహ్మద్​ నసీర్​ ఉన్నట్టు రా కనిపెట్టింది. నసీర్​ కౌలాలంపూర్​ కేంద్రంగా ఈ ఉగ్రకుట్రకు స్కెచ్​ వేశాడని సమాచారం. మతప్రచారకుడు జకీర్ నాయక్ కూడా ఈ స్కెచ్​లో పాలు పంచుకున్నట్టు నిఘావర్గాలు అనుమానిస్తున్నాయి.

ఇందుకు సంబంధించిన ఆధారాల కోసం వెతుకుతున్నారు. మయన్మార్​కు చెందిన ఓ మహిళ ఉగ్రవాదులకు నాయకత్వం వహించిందట. సదరు యువతి బంగ్లాదేశ్​ లేదా నేపాల్​ సరిహద్దుల ద్వారా భారత్​లోకి ప్రవేశించాలని కుట్ర చేసిందట. ఢిల్లీ, అయోధ్య, బోధ్‌గయా, పశ్చిమ బెంగాల్ లోని కీలక నగరాలు, శ్రీనగర్‌లో ఒకేసారి భారీ పేలుడుకు ప్లాన్​ చేసినట్టు సమాచారం. అయితే ఈ టెర్రరిస్టులకు చెన్నైకి చెందిన ఓ హవాలా వ్యాపారి డబ్బు సమకూర్చాడని సమాచారం. అతడి కోసం పోలీసులు గాలిస్తున్నారు.