శ్రీవారికి అబ్దుల్ గనీ కానుక రూ.30లక్షలు

దేశంలో మత అసహనం లాంటి మబ్బుల్ని చీల్చేసే.. భిన్నత్వంలో ఏకత్వమన్న భావన ఎంతన్నది తాజా ఉదంతం చెప్పకనే చెప్పేస్తుంది. దేవంలో హిందూ.. ముస్లిం అంటూ తేడాలతో రచ్చ రచ్చగా మారుతున్న పరిస్థితులకు భిన్నంగా ఒక ఘటన తిరుమలలో చోటు చేసుకుంది. కోట్లాదిమంది హిందువులు అత్యంత భక్తిశ్రద్ధలతో పూజించే తిరుమల శ్రీవారికి రూ.30లక్షల విలువైన వితరణ చేశారు ఒక ముస్లిం.

శ్రీవారిని అమితంగా ఆరాధించే అబ్దుల్ గనీ అనే భక్తుడు.. తాజాగా రూ.30లక్షలు విలువ చేసే ఒక లారీని స్వామివారికి కానుకగా ఇచ్చారు. నిజానికి గనీకి ఇలాంటివి కొత్తేం కాదు. గతంలోనూ ఆయన తిరుమలలోని స్వామివారి అశ్వనీ ఆసుపత్రిలో వైద్య పరికరాలు అందించారు.